@ Foto: Henrique Rabuñal, escritor e amigo de ogalego.eu Anxo González Guerra // Vitoria Ogando Valcárcel -ogalego.eu // ogalego.gal-

Especial coronavirus

Un poema de amor para loitar contra o coronavirus: Xaneiro, 1972. II (Moraima), Celso Emilio Ferreiro.

1.- Ver o vídeo co poema explicado:

Ou tamén se pode ver en versión presentación de diapositivas: descargar

2.- Reler o texto:

XANEIRO 1972, II

O pan é máis útil que a poesía, pro ¿como comer o pan sen o compango da poesía?. A.S.

Cando quero vivir
digo Moraima.
Digo Moraima
cando semento a espranza.
Digo Moraima
e ponse azul a alba.

Cando quero soñar
digo Moraima.
Digo Moraima
cando a noite é pechada.
Digo Moraima
e ponse a luz en marcha.

Cando quero chorar
digo Moraima.
Digo Moraima
cando a anguria me abafa.
Digo Moraima
e ponse a mar en calma.

Cando quero surrir
digo Moraima.
Digo Moraima
cando a mañá é crara.
Digo Moraima
e ponse a tarde mansa.

Cando quero morrer
non digo nada.
E mátame o silencio
de non dicir Moraima.

Celso Emilio Ferreiro

3.- Investigar as historias de amor da familia, preguntar a pais, avós, tíos... que nos novelen as súas historias de amor

4.- a) Escribir un texto (ou gravar un texto) coas historias de amor coñecidas.

b) Investigar na rede historias ou poemas de amor.

ogalego.eu/ogalego.gal ten unha licenza Creative Commons Atribución-Non comercial-Compartir igual 4.0 Internacional.