116 LETRAS DE CANCIÓNS GALEGAS
Carmen Blanco, madriña da páxina
Claudio Rodríguez Fer, padriño da páxina
Sopas de letras
Así falan en Trasar
codigoqr PDF

Homenaxe un ano despois

 

-Himno galego
-A Carolina
-O andar miudiño
-Pousa, pousa
-O gato
-Catro vellos mariñeiros
-Ven bailar Carmiña
-Amoriños collín
-Se vas ó San Benitiño
-O paraugas do Xosé
-A rianxeira
-Apaga o candil
-Cantigas de Pontevedra
-Eí veñen
-Cantigas varias
-O sancristán de Coimbra
-Lévame, lévame
-Velaí vai
-Teño un amor en Rianxo / vento mareiro
-Arroz con chícharos
-Cantiga da Cañiza
-Alalá das Mariñas
-Nos Caneiros (Ai, Pepiño adiós)
-Na beira do mar
-Os de Marín (polo mar abaixo)

-A Virxe da Barca
-Paxariño
-Rodaballo
-Eu de Marín ausenteime
-Miña nai, miña naiciña
-Para vir a xunta min
-E pra que non digas
-Eu non sei que ten a morena
-Toleaches pola peneira
-Porque son da Mariña

-Pandeirada
-Moreniña por morena
-Eu namorar eu namoreime

-Árdelle o eixo
-Unha noite no muíño
-O quer que lle quer
-Se te casas en Ourense
-Camariñas
-Carballeira de San Xusto
-Romance de Don Gaiferos
-A costureira
-As catro pachocas
-Unha vella no tempo dos mouros
-Unha vella de ...
-O estraperlo

-O vira vira
-Uah, lararala..
-A Rufina (romance)

-Ai Maruxiña
-Eu son Mariñeiro
-Arrepipí
-Vexo Vigo, vexo Cangas
-Rebola o pai, rebola a nai

-Pandeiretada
-Pandeiretada 2
-Eu caseime cunha vella

-Foliada
-Manoela
-Donde vés, María
-A dorna
-As de Laíño
-Eu pasei por Vilariño
-Eu pasei o Portonovo
-Teño unha moza en Padrón
-Era o viño

-Alá vai o gaiteiro
-Marica se vas ó río a lavar
-Cantar da vendima
-Eu non sei
-Nosa Señora da Guía
-Boas tardes, Maruxiña
-Vaite lavar, porcona
-As lanchas do xeito
-Moza que estás na ventana
-Carmiña, Carmela
-A miña burriña
-A palmeira
-Baila queridiño
-Perdín o meu xustillo

-Camiña don Sancho

-Axéitame a polainiña
-Cantar de cego
-Prende salgueiriño
-Barqueiros de Ribadavia
-Cantiga de laboura
-Dáme lume Clara/Xoana
-Hei de ir á túa seitura
-Fía na roca
-Na flor dos meus anos
-Pirimpimpim
-O galo
-Polo río abaixo
-Cantigas de matrimonios
-Canteiros e carpinteiros
-Foliada de Santiago

-Foliada do rueiro

-Coloradiña de cara

-Rema barqueiro
-Eu caseime no Araño
-Eu xunguín os meus bois
-Un gato e un
escribano
-Fisterra
-Foliada de Sarela
-Muiñeira do Santo Amaro
-Se Chove
-As miñas cousas/Ansuíña
-Lonxe da terriña
-Dous amores
-Un adiós Mariquiña
-Unha noite na eira do trigo

-Cantigas de Reis

bandeiraNovas: O Retrouso de Cela-Bueu publica dobre disco con cantigas populares do Morrazo. Son os ELELELOS. Aquí está o pdf coas letras

Cantarte hei, Galicia, teus dulces cantares (Rosalía de Castro)

HIMNO GALEGO: que mellor limiar para as cantigas populares galegas que o poema de Eduardo Pondal (varias versións aquí). Histoira do Himno na TVG

Que din os rumorosos
na costa verdecente,
ao raio transparente
do prácido luar?

Que din as altas copas
de escuro arume arpado
co seu ben compasado
monótono fungar?

-"Do teu verdor cinguido
e de benignos astros,
confín dos verdes castros
e valeroso chan,
non des a esquecemento
da inxuria o rudo encono;
desperta do teu sono,
fogar de Breogán".

"Os bos e xenerosos
a nosa voz entenden,
e con arroubo atenden
o noso rouco son,
mais sóo os iñorantes,
e féridos e duros,
imbéciles e escuros
non nos entenden, non".

"Os tempos son chegados
dos bardos das edades,
que as vosas vaguedades
cumprido fin terán;
pois, donde quer, xigante
a nosa voz pregoa
a redenzón da boa
nazón de Breogán


A CAROLINA (en You Tube) No bico un cantar (TVG)

A saia da Carolina
ten un lagarto pintado;
cando a Carolina baila,
o lagarto dálle ó rabo.

-Bailaches Carolina?
-Bailei, si señor.
-Dime con quen bailaches.
-Bailei co meu amor (tres veces)
Bailaches Carolina?
Bailei, si señor.

 A Carolina é unha tola
que todo o fai ó revés,
vístese pola cabeza
e díspese polos pés.

-Bailaches Carolina?
-Bailei no cuartel.
-Dime con quen bailaches.
Bailei co coronel (tres veces)
Bailaches Carolina?
Bailei, no cuartel.

O señor cura non baila
porque ten unha coroa.
Baile, señor cura, baile,
que Deus todo llo perdoa.

-Bailaches Carolina?
-Bailei, abofé.
-Dime con quen bailaches.
-Bailei co meu Xosé (tres veces)
Bailaches Carolina?
Bailei, abofé.

No curro da Carolina
non entra carro pechado,
namais entra a Carolina
co seu cocho polo rabo.

-Bailaches Carolina?
-Bailei, si señor.
-Dime con quen bailaches.
-Bailei co meu amor. (tres veces)

 Co teu amor, Carolina,
non volvas a bailar,
porque che levanta a saia
e é moi mala de baixar. BIS


O ANDAR MIUDIÑO (En You Tube)

Éche un andar miudiño,
miudiño, miudiño,
miudiño, miudiño, BIS
o que eu traio.

 Que eu traio unha borracheira
de viño, que auga non bebo.
Mira, mira Maruxiña;
mira, mira, como eu veño.

Éche un andar miudiño...


POUSA, POUSA (en YouTube) No bico un cantar na TVG

Fun á taberna do meu compadre,
fun polo vento e vin polo aire:
e como é cousa de encantamento
fun polo aire e vin polo vento. BIS

 E pousa, pousa, pousa,
e non me toques naquela cousa: BIS
e pousa, pousa axiña,
e non me toques naquela cousiña. BIS

 Murmuraban as miñas veciñas
que eu andaba co crego nas viñas: BIS
eso é verdá, eu non o nego,
que eu andiven a loitas co crego. BIS

 E pousa, pousa..

Cando me case xa teño un galo,
xa miña nai non me ten que dalo; BIS
cando me case xa teño un polo,
xa miña nai non me ten que dar todo. BIS

E pousa, pousa..


O GATO (Historia da cantiga) (en You Tube) No bico un cantar, TVG

Xuntáronse catro un día,
os millores deste barrio,
mataron un gato a tiros
e o meteron nun saco.

Vai o gato metido nun saco,
vai o gato prá terra da Laxe;
vai o gato metido nun saco,
ai, gatiño! xa non volve máis.

Que mal lles parecería
a calquera deses catro,
que os meteran nun saco
como meteron o gato.

Vai o gato...

Aquel gato era un artista,
traballaba na ribeira,
agora é un bañista
na praia da Castiñeira

Vai o gato...


CATRO VELLOS MARIÑEIROS (en YouTube)

Catro vellos mariñeiros, BIS
todos metidos nun bote.
Boga, boga, mariñeiro,
imos pra Viveiro,
xa se ve San Roque. BIS

Ailalelo ...

Os mariñeiros traballan BIS
de noite coa luz da lúa.
Dá gusto velos chegare
pola mañá cedo
cheirando a frescura. BIS

Ailalelo ...

Levo sardiña e bocarte, (traio sardiña e bocarte)
vendo xurelo pequeno. (tamén xurelo pequeno)
Rapaciña de Viveiro
ven buscar o lote
do teu mariñeiro BIS

Ailalelo ..


VEN BAILAR CARMIÑA (en YouTube)

Ven bailar Carmiña, / has bailar comigo
Carmiña, Carmela,
con zapato branco, / con zapato baixo
con media de seda,
con media de seda
de seda calada, / e media calada
ven bailar Carmiña, / has bailar Carmiña
miña namorada.

 Os zapatos piden medias,
as medias piden zapatos,
as raparigas bonitas / as rapaciñas de agora
piden rapaciños guapos.

 Ven bailar Carmiña,...

Catro cousas hai no mundo
que revolven o sentido
amar e non ser amado,
querer e non ser querido.

 Ven bailar Carmiña,...

Ó son da miña gaitiña
as nenas hei de levare,
e as tontiñas sonche elas
que se deixan enganare.

Ven bailar Carmiña,...

Aí che vai meu corazón,
se o queres matar ben podes,
pero como ti vas dentro
tamén se ti o matas morres.

Ven bailar Carmiña,...


AMORIÑOS COLLÍN (en You Tube)

Amoriños collín
na beiriña do mar,
amoriños collín
non os poido olvidar;
non os poido olvidar
non os poido olvidar,
amoriños collín
na beiriña do mar


SE VAS Ó SAN BENITIÑO

Se vas ó San Benitiño BIS
non vaias ó de Paredes,
que hai outro máis milagreiro BIS (que é moito máis milagreiro)
San Benitiño de Lérez. BIS

 San Benitiño do ollo redondo
hei de ir alá, miña nai, se non morro
e hei de levar unha bota de viño
e unha bola de pan para o camiño.

A que lle foron armare,
ó San Benito de Lérez,
a que lle foron armare
que tiña un bo viño mosto BIS
debaixo do seu altare.

San Benitiño...

As de Marín e Placeres,
as mociñas de Combarro;
as de Marín e Placeres
van de troula pola ría,
van de troula pola ría
ó San Benito de Lérez

San Benitiño...


O PARAUGAS DO XOSÉ (en YouTube)

O paraugas do Ghosé
é un paraugas moi malo
si le caen cuatro gotas ...
ya se le humedece el palo.
Y por eso una mulata,
por muy mojada que esté,
non se pondría debajo...
do paraugas do Ghosé.

E o que é meu é meu e é meu
e o que é meu é meu e é teu
que non quero que andes dicindo,
que tumba que dálle,
que tal que sei eu.


A RIANXEIRA
(historia da cantiga ) (en YouTube)
No bico un cantar: prgrama da TVG dedicado á canción
(Hoy por hoy, Iñaki Gabilondo, C. SER, A Rianxeira (coa 1ª gravación histórica, etc.), dado a coñecer por GONPE)

Ondiñas veñen,
ondiñas veñen,
ondiñas veñen e van.
Non te vaias rianxeira, (non te embarques rianxeira)
que te vas a marear.

 A Virxe de Guadalupe
cando vai pola ribeira, BIS
descalciña pola area,
parece unha rianxeira. BIS

 Ondiñas veñen...

 A Virxe de Guadalupe
cando vai para Rianxo, (cando veu para Rianxo)
a barquiña que a leva (a barquiña que a trouxo)
era de pau de laranxo.

 Ondiñas veñen...

A Virxe de Guadalupe
quen a fixo moreniña BIS (quen te puxo moreniña)
foi un raíño de sol
que entrou pola ventaniña BIS

 Ondiñas veñen...


APAGA O CANDIL (en YouTube)

Apagha o candil, Marica, chus, chus,
apagha o candil que ten moita lus,
que ten moita lus, moita claridá,
apagha o candil e chéghate alá.

 Pasei pola túa porta e mirei polo ferrollo,
a lara da túa nai meteume un pau por un ollo,
meteume un pau por un ollo, ailalelo, ailalalo.

 Apagha o candil...

 A túa nai é chiculate,
o teu pai chiculateiro,
a túa nai lambe as cazolas,
o teu pai lambe os pucheiros,
o teu pai lambe os pucheiros,
ailalelo, ailalalo.

 Apagha o candil...

Andivécheste alabando que eu morría por ti
e que morro non é certo pero que che quero si
ailalelo, ailalalo.

 Apagha o candil...


CANTIGAS DE PONTEVEDRA

Pontevedra de corales,
Lugo da coor do aceiro,
Pontevedra de corales,
Ourense de limoeiros,
A Coruña de cristales, BIS

Ai lalelo, ai lalalo.

Polo mar abaixo vai unha sartén,
vai fritindo peixes, han de saber ben.
Han de saber ben, han de saber ben,
polo mar abaixo vai unha sartén.

Dá de beber a quen pasa,
Pontevedra é boa vila,
dá de beber a quen pasa,
a fonte na Ferrería
San Bartolomeu na Praza,
San Bartolomeu na Praza,

Ai lalelo, ai lalalo.

 Polo mar abaixo vai unha sartén...

 Ten unha pipa no monte
San Antonio da Caeira,
ten unha pipa no monte.
As mulleres beben viño,
os homes auga da fonte, BIS

Ai lalelo, ai lalalo.

 Polo mar abaixo vai unha sartén...

E mulleres con mulleres,
ó bailar homes con homes
e mulleres con mulleres
é como a gaita sen foles
e o tambor sen cordeles.

Ai lalelo, ai lalalo.

Polo mar abaixo vai unha sartén...


EÍ VEÑEN

Aparta, loureiro verde, deixa clarexar a lúa BIS
se non vexo os meus amores, non vexo cousa ningunha. BIS

Ei veñen, ei veñen, ei veñen, ei van,
sardiñas fresquiñas de pola mañán,
de pola mañán, de pola mañán,
ei veñen, ei veñen, ei van.

Prende salgueiriño, prende, beira da fonte pequena BIS
tamén meus ollos prenderon no corazón dunha nena BIS

Ei veñen, ei veñen,...

Canta ti, cantarei eu, beira da fonte pequena BIS
Ante quen tivese amores, porque os meus vanse acabando. BIS

Ei veñen, ei veñen


CANTIGAS VARIAS

San Antón, San Antoniño,
o santo máis queridiño,
San Antón, San Antoniño,
dáme forza no carácter,
como ó porco no fuciño.

...

Que ben fixeron teus pais en facerche custureira
cando chove non te mollas BIS
cando fai sol non te queimas.

...

Teño unha morena alá en Viascón,
teño outra na Puebla e outra en Marcón
e outra en Marcón, e outra en Marcón,
teño unha morena alá en Viascón.

...

Nena que vénde-las peras, (2 veces)
cantas che mandaron dar,
para ti, meu queridiño (2 veces) BIS
non mas mandaron contar
ailara...

...

Dáme o que che pido nena
que non che pido diñeiro,
dáme a túa ovella negra
pra xuntare ó meu carneiro BIS
Ailelelo...

...

E ti telo, telo, non o queres dar,
pra despois de vella podelo salgar,
podelo salgar, podelo salgar,
e ti telo, telo, non o queres dar,
ailelelo...

...

Vivir na Coruña que bonito é,
andar de baranda e dormir de pé,
e dormir de pé, e dormir de pé,
vivir na Coruña que bonito é.

...

Se vas ó convento de Herbón
mira pró lado dereito
verás o San Benitiño
botando auga polo peito BIS
Ailalelo.

E se unha perna teño aquí
e outra no teu tellado
mira se te quero nena
que estou escarranchado BIS
Ailalelo.

...

O carballo da Portela abanea e non cae,
así fai a boa nena que se guía por seu paie,
así fai a boa nena que se guía por seu paie.

...

Se mo deches non mo deras,
eu pedir non cho pedín,
déchesllo a quen quixeches,
quéresmo cobrar a min.

...

Non teñas tanta fachenda,
non botes tanto por ela
anque te-la casa grande
pága-la renda por ela.


O SANCRISTÁN DE COIMBRA (en You Tube)

O Sancristán de Coímbra
facía de mil diabluras: BIS
mollaba o pan en aceite,
deixaba os santos a escuras BIS

E bate fado e bate ben,
ti ére-la causa do meu desdén BIS

O mar tamén ten amores,
o mar tamén ten muller. BIS
Está casado coa area,
Dálle bicos cantos quer. BIS

E bate fado........ BIS

Eu quixera ser merliño
e te-lo bico encarnado BIS
para face-lo meu niño
no teu cabelo dourado. BIS

Tirei unha laranxiña
no medio de Portugal BIS
a quen lle foi a batere?
á filla dun xeneral BIS

Miña nai xa non me deixa
levar o leite a Coimbra BIS
porque dicen os rapaces:
ai, que leiteira máis linda! BIS

E bate fado.... BIS


LÉVAME -Muiñeira de Vilagarcía- (en You Tube). No bico un cantar -TVG-, historia da canción

Lévame, lévame, lévame,
lévame á beira do mar,
nunha noite prateada,
noite dun craro luar.

Lévame, lévame, lévame,
lévame á beira do mar,
lévame, meu queridiño: BIS
(lévame, meu mariñeiro)
eu tamén quero bailar.
Quero bailar, quero bailar,
quero bailar, quero bailar.

Onde vas, meu queridiño?
Onde vas, meu caravel?
Vou buscar berberechiños
para darlle ó meu querer BIS
para darlle ó meu amor.
Onde vas, meu queridiño?
Onde vas meu corazón?

Lévame,lévame, lévame,
lévame á beira do mar,
lévame, meu queridiño: BIS (lévame, meu mariñeiro)

eu tamén quero bailar.
Quero bailar, quero bailar,
quero bailar, quero bailar
en Vilagarcía


VELAÍ VAI

Velaí vai, velaí vai, a rapaza polo río,
sen comer e sen beber, toda cheíña de frío,
toda cheíña de frío, toda chea de dolor,
velaí vai, velaí vai, polo río xa pasou.

Á vista de tanta xente.
Chamáchesme moreniña, á vista de tanta xente
e agora vaime quedare moreniña para sempre.
Moreniña para sempre, ailalelo, ailalalo!

Viñeches ás nove e media.
Quedaches de vir ás nove, viñeches  ás nove e media,
ti non sabes que é pecado enganar a unha morena,
enganar unha morena, ailalelo, ailalalo!

Eu teño un canciño bonito abofé
que baila a muiñeira na punta do pé,
na punta do pé, erguidas as mans, (na punta do pé dá un pincho pra tras)
eu teño un canciño que baila ao serán (e baila a muiñeira do chascarraschás).

la, la, la, la..

Velaí vai, velaí vai, a


TEÑO UN AMOR EN RIANXO/VENTO MAREIRO

Teño un amor en Rianxo e outro en Vilagarcía,
para ve-los meus amores, teño que cruza-la Ría,
teño que cruza-la Ría, teño que cruza-la Ría,
teño un amor en Rianxo e outro en Vilagarcía.

Non lle temas, mariñeiro, ó ventiño do mar,
que co vento mareiro dá mellor navegar.
Se navegas pola ría de Rianxo verás
as estrelas e a lúa darlle bicos ó mar.

Lévalle no teu peteiro, gaivotiña voa, voa,
lévalle no teu peteiro unha cartiña de amores
pró meu amor rianxeiro ( 3 veces)
gaivotiña voa, voa, lévalle no teu peteiro.

Non lle temas, mariñeiro.....

Vai pola noite a escoitar.
Cando vaias a Rianxo vai pola note a escoitar
as estrelas e a lúa os biquiños que se dan; ( 3 veces)
cando vaias a Rianxo vai pola noite a escoitar.

Non lle temas, mariñeiro.....

Collín a dorna en Rianxo
Collín a dorna en Rianxo, fun a Padrón pola Ría,
da terra de Castelao á de Cela e Rosalía,
á de Cela e Rosalía, á de Cela e Rosalía,
collín a dorna e Rianxo, fun a Padrón pola Ría.

Non lle temas, mariñeiro.... 


ARROZ CON CHÍCHAROS

O primeiro no amor sonche os bicos,
o segundo beliscos pequenos,
o terceiro ben achegadiños
e ó remate sonche os nenos. BIS

Arroz con chícharos, patacas novas,
repolos de Betanzos e mais cebolas
e mais cebolas e mais cebolas,
arroz con chícharos, patacas novas
.

Se o teu mozo che pide aquel conto
e por el che fai un xuramento,
non llo deas, nena, non llo deas,
que o xurar lévacho o vento. BIS

Arroz con chícharos, patacas novas...


CANTIGA DA CAÑIZA

Non te namores, meniña, meniña non te namores
non te namores, meniña, das palabriñas dos homes.

Tres días hai que non como senón bágoas con pan
así son os desenganos que os meus amores me dan.

Dille que suspiro e choro, dille que vivo morrendo,
dille que se compadeza do mal que estou padecendo.


ALALÁ DAS MARIÑAS (en YouTube)

Teño unha casiña branca na Mariña entre loureiros,
teño paz e teño amor e estou vivindo no ceo.

Ailalala, ailalala..

E adiós á miña casiña, portelo do meu quinteiro,
auga da miña fontiña, sombra do meu laranxeiro

Ailalala, ailalala..


NOS CANEIROS (Ai, Pepiño adiós)

Ai Pepiño, adiós, ai Pepiño, adiós,
ai Pepiño, por Dios non te vaias,
non te vaias afogar á praia,
como nos pasou a nós
e havos de pasar a vós.

Ai Sálvora, ai San Vicente, BIS
as nenas bonitas hainas en Ourense. (as nenas bonitas hainas en Mourente)

Ai Pepiño, adiós, ai Pepiño, adiós,...

Ai Sálvora, ai San Vicente
Ai Sálvora, adiós Mourente
Ai Sálvora, ollos da ría
para boas mozas, en Vilagarcía BIS

Ai Pepiño, adiós, ai Pepiño, adiós,...

Ai Sálvora, vento norteiro.
Ai Salvora, meu compañeiro,
Ai Sálvora, vento ventiño
xa están as rapazas na punta de Aguiño BIS


NA BEIRA DO MAR

Ollos verdes son traidores, BIS
azules son mentireiros,
os negros e acastañados
son firmes e verdadeiros. BIS

Na beira, na beira, na beira do mar
hai unha lanchiña pra ir a navegar BIS

Hoxe vinte pasar a ría BIS
cuns zoquiños de madeira,
ías tan remangadiña
ó pasar pola ribeira BIS

Na beira, na beira, na beira do mar
hai unha lanchiña pra ir a navegar BIS

Cinco sentidos che temos, BIS
os cinco necesitamos
pero os cinco perdemos
en canto nos namoramos

Na beira, na beira, na beira do mar
hai unha lanchiña pra ir a navegar BIS


OS DE MARÍN (Polo mar abaixo)

Nosa Señora do Carme
que nos dea o vento en popa BIS
que somos os de Marín
e levamos a vela rota BIS

Polo mar abaixo
vai unha troita de pé
corre que te corre
quen a puidera coller BIS
quen a puidera pillar
Polo mar abaixo
vai unha troita de pé


A VIRXE DA BARCA

Veño da Virxe da Barca,
da Virxe da Barca veño,
veño de abala-la pedra, 
de abala-la pedra veño.

Díxenvos unha mentira, 
veño de abala-la pedra, 
veño de abala-la grande,
que a pequena abala ela,

Nosa señora da Barca 
ten o tellado de pedra,
ben a puidera ter de ouro,
miña Virxe se quixera.

Nosa señora da Barca 
ten un teito bo de pedra; 
di a campana na volta: 
¡cantas voltas vai dar ela! A miña Virxe da Barca,
para o ano hei de volver 
que me quedou a mantilla 
no altar por recoller

PAXARIÑO

Con piñeiros de arredor,
teño unha casa no monte
con piñeiros de arredor,
unha fonte e un salgueiro,
miña nena,
onde canta o reiseñor.
Unha fonte e un salgueiro,
miña nena
onde canta o reiseñor.
Aquel paxariño
era bonitiño,
da beira do Miño.
- ¿e como lle chaman?
- chámanlle Pepiño.
- que bonito nome
ten o paxariño!

Paxariños que alegres cantades
polas follas dos loureiros
e subides polos ameneiros
a busca-la raiola do sol.
Non sexas tan presumida.
se queres casa-la filla
non sexas tan presumida.
Non te deixes enganar
miña nena,
se queres ser prendida.
non te deixes enganar
miña nena,
se queres ser prendida


RODABALLO

Nunha lancha de Marín
coa proa de carballo, BIS
catro rapaces da Pobra
ui, ai, ai
roubaron un rodaballo.BIS

Mala chispa te coma,
mala chispa che dea,
mala chispa te trague,
ai, ai, ié. BIS a estrofa

O patrón que os mandaba
tamén era de Marín BIS
e díxolle ao rodaballo:
ui, ai, ai
moito miras para min! BIS

Mala chispa...

Fórono vender á lonxa
e con moito disimulo BIS
e quen o foi a comprar
ui, ai, ai
a filla do Cachirulo! BIS

Mala chispa ...

Aquí se acaba a historia
deste peixe rodaballo BIS
que por non haber aceite,
ui, ai, ai,
houbo que comelo asado. BIS

Mala chispa...


EU DE MARÍN AUSENTEIME

Eu de Marín ausenteime
moi lonxe fun a vivir, (me fun vivir)
pasei a vida chorando
e suspirando, Marín, por ti BIS

Eu non sei cantar,
eu non sei reír,
sen os airiños da ría,
eu non sei cantar, eu non sei reír;
sen os airiños da ría
eu non sei cantar, eu non sei reir. BIS


MIÑA NAI, MIÑA NAICIÑA

Miña nai, miña naiciña, (2 veces)
como a miña non hai ningunha,
que me quentou a cariña (2 veces)
co calorciño da súa.

Tamén eu choro, tamén eu choro
cando non me alumean, meu ben,
eses teus ollos.
Tamén eu choro, tamén eu choro,
cando non me alumean meu ben,
eses teus ollos.

Miña nai como é tan pobre
cando non ten que me dar
éncheme a cara de bicos
e despois rompe a chorar.

Tamén eu choro...

Miña nai, miña naiciña,
miña nai do corazón,
moitas nais hai polo mundo,
pero coma a miña non.

Tamén eu choro...


PARA VIR A XUNTA MIN

Para vir a xunta min, para vir a xunta min,
vai lava-la cara, vai lava-la cara, galopín!

Miña nai por me casare, ofreceume canto tiña,
agora que estou casado, pagoume cunha galiña,
pagoume cunha galiña, ailalelo, ailalalo!

Para vir a xunta min, para vir a xunta min,
vai lava-la cara, vai lava-la cara, galopín!

Túa nai e mais a miña quedan no río berrando
por culpa dunha galiña, que ten amores cun galo,
que ten amores cun galo, ailalelo, ailalalo.

Para vir a xunta min, para vir a xunta min,
vai lava-la cara, vai lava-la cara, galopín!

Eu queríame casare, miña nai non teño roupa
casa, miña filla, casa, que unha perna tapa a outra.

Para vir a xunta min, para vir a xunta min,
vai lava-la cara, vai lava-la cara, galopín!

Eu queríame casare, miña nai dime que é cedo,
ela como está casada, non sabe as ganas que eu teño.

Para vir a xunta min, para vir a xunta min,
vai lava-la cara, vai lava-la cara, galopín!


E PRA QUE NON DIGAS

E pra que non digas que tal e que cal
que foi e non foi, que tal que sei eu,
eu aló non fun, ela aquí non veu,
nin eu llo pedín, nin ela mo deu.

-Maruxiña, dáme un bico
que che hei de dar un pataco,
-Non quero bicos dos homes
que me cheiran a tabaco.

E pra que non digas...

Maruxiña do forneiro
se coceras faime un bolo,
se mo fas, faimo de millo,
que eu de trigo non cho como.

E pra que non digas...

-Maruxiña, ti é-lo demo,
sempre me andas atentando,
-Foi do couce dunha pulga
que é un mal desesperado.

E pra que non digas...


EU NON SEI QUE TEN A MORENA

Eu non sei que ten a morena,
eu non sei que a morena ten,
eu non sei que ten a morena,
que xa todos lle queren ben.

Eu non sei que pasou no muíño,
eu non sei que debeu de pasar,
desde entón Maruxiña está triste,
desde entón non fai máis que chorar.

Eu non sei que ten a morena ...

Fun ó muíño con Paula, BIS
fun ó muíño con ela,
ela durmiu nos meus brazos,
eu durmín nos brazos dela. BIS
ailalelo, ailalalo.

Heicho de dar se mo dás, queridiño,
heicho de dar se mo dás, xa verás,
heicho de dar con dúas cunchiñas,
pra que lle toque-lo chascarraschás.

Heiche de da-lo boi branco e maila vaca marela
e maila filla máis nova pra que te deites con ela,
pra que te deites con ela, ailalelo, ailalalo
e no medio e no medio da ría
ó compás, o compás do cantare
o ventiño que viña de lonxe
íalle á ventana petare
íalle á ventana petare
ailalelo, ailalelo, ailalalo.

Coitadiño do que chora, coitadiño, coitadiño,
cando as penas son grandes non se poden botar fóra,
non se poden botar fóra, ailalelo, ailalelo, ailalalo.
e no medio e no medio da ría
ó compás, o compás do cantare
o ventiño que viña de lonxe
íalle á ventana petare
íalle á ventana petare
ailalelo, ailalelo, ailalalo.


TOLEACHES POLA PENEIRA

Vente vindo BIS
que eu tamén me vou andando,
fixen a cama na folla,
o vento vaima levando BIS
ailalelo, ailalalo.

Toleaches pola peneira,
toleaches por peneirar,
toleaches por ter amores,
toleaches por te casar.
(3 veces)

O paxaro cando chove BIS
mete o rabo na silveira,
así fan as boas mozas
cando non hai quen as queira BIS
ailalelo, ailalalo.

Toleaches pola peneira...


PORQUE SON DA MARIÑA

Non te cases cun ferreiro que é moi malo de lavar, BIS
cásate cun mariñeiro que vén lavado do mar,
que vén lavado do mar, ailelelo, ailalalo.

Porque son da Mariña son mariñán
e o fungueiro do carro lévoo na man,
levo na man morena, levo na man,
porque son da Mariña son mariñán
.

Co aro dunha peneira miña nai deume unha tunda,
co aro dunha peneira, miña nai teña vergonza,
que vén a xente da feira, que vén a xente da feira
ailalelo, ailalalo.

Porque son da Mariña son mariñán ...


PANDEIRADA (en You Tube)

A raíz do toxo verde, (2 veces)
é moi mala de arrincare,
os amoriños primeiros, (2 veces)
son moi malos de olvidare.

Ailará, ailaralá,
escomencemos a pandeirada
escomencemos o baile xa!

Unha vella díxolle a outra (2 veces)
polo burato da porta:
ti goberna a túa vida (2 veces)
que a miña nada che importa.

Ailará, ailaralá...

A miña muller morreume (2 veces)
e enterreina no palleiro,
deixeille un brazo fóra (2 veces)
pra que tocara o pandeiro.

Ailará, ailaralá...

Miña nai e maila túa (2 veces)
quedan no río berrando
por culpa dunha galiña (2 veces)
que ten amores cun galo.

Ailará, ailaralá...


MORENIÑA POR MORENA / EU TEÑO UN CANCIÑO

Moreniña por morena BIS
téñoche o ollo botado,
has de ser miña mullere
ou non hei de ser casado BIS
Ailalelo, ai...

Eu teño un canciño bonito abofé
que baila a muiñeira na punta do pé,
na punta do pé dá un pincho pra tras
e baila a muiñeira do chascarraschás

Miña sogra cando roña BIS
ponse no medio da casa
ela di que voume, voume
e de marchar nunca se acaba, BIS
ailalelo, ai...

Eu teño un canciño bonito...

Ten coidado Maruxiña, BIS
cando te vaias pra a cama,
non che vaia vi-lo trasno
e che faga unha trasnada, BIS
ailalelo, ai...

Eu teño un canciño bonito...

Nós aquí e vós de aí, BIS
somos tantos coma vós,
nós comemos o carneiro
e os cornos son para vós. BIS

Eu teño un canciño bonito ...


EU NAMORAR EU NAMOREIME

Eu namorar, eu namorar, eu namoreime,
eu namoreime na beira do mar,
enguedellar, enguedellar, enguedelleime,
enguedelleime na beira do mar.

Eu namoreime dunha rapaciña,
xa non me puiden desenamorar.

Eu namorar...

Enguedelleime dunha rapaciña,
xa non me puiden desenguedellar.

Eu namorar...


ÁRDELLE O EIXO

Non me toques no refaixo BIS
e se me queres tocare
méteme a man por debaixo BIS
ailalelo, ailalalo.

Árdelle o eixo, árdelle o carro,
árdelle o eixo, hai que mollalo,
hai que mollalo, hai que mollalo
árdelle o eixo, árdelle o carro.

árdelle o eixo, árdelle a buxa
móllao no río pra que non fuxa,
pra que non fuxa, pra que non fuxa
árdelle o eixo, árdelle a buxa.

Como te colla no prado
como te collín máis veces
heiche de meter no corpo
herba para nove meses,
ailalelo, ailalalo.

Árdelle o eixo, árdelle o carro ...

Ai se queres que o carro cante,
ai móllalle o eixo no río
e despois do eixo mollado,
ai canta coma un asubío,
ailalelo, ailalalo .

Árdelle o eixo, árdelle o carro ...

Ai para cuñas pau de toxo,
ai para eixo do carballo,
ai para contenta-las nenas,
ai a cabezalla do carro
ailalelo, ailalalo.

Árdelle o eixo, árdelle o carro ...

Ai o río cando vai cheo,
ai leva carballos e follas,
ai tamén podía levare,
ai as linguas marmuradoras,
ailalelo, ailalalo.

Árdelle o eixo, árdelle o carro ...


UNHA NOITE NO MUÍÑO

Unha noite no muíño, unha noite non é nada
unha semaniña enteira, esa si que é muiñada.

Deus cho pague churrusqueira,
téñocho que agradecer,
cando vou ao teu muíño
sempre me deixas moer. BIS
Deus cho pague churrusqueira

Túa nai por me casar, teu pai por me dar o dote
armaron unha porfía, rompéronlle os pés ó pote


O QUER QUE LLE QUER (en You Tube)

E quer que lle quer (3 veces)
que lle fagan a cama,
e quer que lle quer (3 veces)
que lla fagan ben baixa.

Xesús, que diaño de vella,
Xesús, que cousiñas ten,
e quer que lle quer que lle fagan a cama
e quer que lle quer se deiten con ela tamén.

E quer que lle quer (3 veces)
que lle ricen o pelo,
e quer que lle quer (3 veces)
que lle metan relleno.

Xesús, que diaño de vella,
Xesús, que cousiñas ten,
e quer que lle quer que lle ricen o pelo
e quer que lle quer que lle laven as pernas tamén.


SE TE CASAS EN OURENSE

Se te casas en Ourense pídelle a proba primeiro BIS
da cacheiriña do porco e o bon viño do Ribeiro BIS

Se vas ó Ribeiro, ó Ribeiro de Avia,
se vas ó Ribeiro, vai por Ribadavia,
vai por Ribadavia, ven por Ventosela,
que hai unha neniña que dá xenio vela,
que dá xenio vela, dá noxo mirala,
se vas ó Ribeiro vai por Ribadavia.

Se me queres por amigo, dáme viño do Ribeiro,
pantrigo de Ribadavia, nenas do Chan de Amoeiro.

Se vas ó Ribeiro, ó Ribeiro de Avia,


CAMARIÑAS (en You Tube) No bico un cantar (TVG)

Ó pasar por Camariñas, por Camariñas pasei cantando.
As nenas de Camariñas quedan no río, quedan no río lavando.

Camariñas, Camariñas, ai que xa me vas camariñando.
Por unha de Camariñas vivo no mundo, vivo penando.

Miña Virxiña do Monte, que ós mariñeiros sempre vixilas!
Non permitades que morra lonxe da terra, da terra miña!


CARBALLEIRA DE SAN XUSTO

Carballeira de San Xusto, Carballeira de ramada (enramada),
naquela carballeiriña, perdín a miña navall, BIS
ailalelo, ailalalo .

Perdín a miña navalla, máis valera non perdela,
fíxenme de alí veciño e casei con Rafaela,
ailalelo, ailalalo.

Carballeira de Tenorio, heina de mandar cortare
cando vou pra Pontevedra, non deixa ve-lo mare,
ailalelo, ailalalo.


ROMANCE DE DON GAIFEROS (en You Tube)

I onde vai aquil romeiro, meu romeiro a donde irá,
camiño de Compostela, non sei se alí chegará.
Os pés leva cheos de sangue, xa non pode máis andar,
malpocado, probe vello, non sei se alí chegará.
Ten longas e brancas barbas, ollos de doce mirar,
ollos gazos leonados, verdes como a auga do mar.

-I onde ides meu romeiro, onde queredes chegar?
-Camiño de Compostela donde teño o meu fogar.
-Compostela é miña terra, deixeina sete anos hai,
relucinte en sete soles, brilante como un altar.
-Cóllase a min meu velliño, vamos xuntos camiñar,
eu son trobeiro das trobas da Virxe de Bonaval.
-I eu chámome don Gaiferos, Gaiferos de Mormaltán,
se agora non teño forzas, meu Santiago mas dará.

Chegaron a Compostela, foron á Catedral,
Ai, desta maneira falou Gaiferos de Mormaltán:

-Gracias meu señor Santiago, aos vosos pés me tes xa,
si queres tirarme a vida, pódesma señor tirar,
porque morrerei contento nesta santa Catedral.

E o vello das brancas barbas caíu tendido no chan,
Pechou os seus ollos verdes, verdes como a auga do mar.
O bispo que esto oíu, alí o mandou enterrar
E así morreu señores, Gaiferos de Mormaltán.

Iste é un dos moito miragres que Santiago Apóstol fai.


A COSTUREIRA (You Tube) (Cantada por Fuxan os Ventos)

-Costureiriña bonita,
onde tes os teus vestidos?
-Téñoos na hucha gardados,
ai si, ai non,
para poñer os domingos.

-Costureiriña bonita,
dime onde tes a cama.
-No poleiro das galiñas,
ai si, ai non,
nunha presiña de pallas.

-Costureiriña bonita,
dime onde tes o niño.
-Nun carballo da Illana,
ai si, ai non,
no máis alto ramalliño.

-Costureiriña bonita,
onde gardas os melindres?
-Téñoos na hucha gardados,
ai si, ai non,
para comer os domingos.

O amor da costureiriña
era papel e mollouse
e agora, costureiriña,
ai si, ai non,
o teu amor acabouse.


AS PACHOCAS (You Tube) (Cantada por Fuxan os Ventos)

Que ben cantaN, que ben bailan aquelas catro pachocas, BIS
que ben cantan, que ben bailan, que ben menean as zocas. BIS
Aqueles que andan no baile ambos me parecen ben BIS
Ela parece unha rosa e el parece un carabel. BIS
Eu pedinllo a unha nena no porteliño do prado BIS
respondeume a picarona que estaba o campo mollado. BIS
Aquel páxaro non canta, seica non ten alegría BIS
non se fai cousa de noite que non se saiba de día. BIS

Vamos ruando meniña e vamos ruando a eito BIS
xa que levámo-la sona levarémo-lo proveito. BIS
Chégate aquí miña prima, ti nunha terra e eu noutra BIS
pra axudáresme a cantare a miña fortuna é pouca BIS


UNHA VELLA NO TEMPO DOS MOUROS

Unha vella no tempo dos mouros
fixo do cu unha praza de touros
e fixo ben, e fixo ben
no cu da vella non manda ninguén.  
ou
Unha vella no tempo dos mouros
fixo da cona una praza de touros
e fixo ben, e fixo ben
na cona da vella non manda ninguén.
Variantes:
Unha vella por falta dun macho
meteu pola cona un mango dun sacho
e fixo ben, e fixo ben
 na cona da vella non manda ninguén.
Unha vella no tempo dos celtas
fixo das tetas dúas metralletas
e fixo ben, e fixo ben
nas tetas da vella non manda ninguén.
Unha vella nos tempos de antes
fixo da cona un par de tirantes
e fixo ben, e fixo ben
na cona da vella non manda ninguén.
Unha vella nos tempos de agora
meteu polo cu unha rebarbadora
e fixo ben, e fixo ben
no cu da vella non manda ninguén.
Unha vella nos tempos de agora
fixo da cona unha lavadora
e fixo ben, e fixo ben
na cona da vella non manda ninguén.


UNHA VELLA DE

Unha vella de Nighrán
díxolle a unha de Perillo:
fagho eu máis cartos ca cona
que o Ferreiro co martillo

 E funga, e funga, e funga
e fúngalle o carallo
e fúngalle o carallo
e o carallo funga e funga

Unha vella de Perillo
díxolle a unha de Nighrán:
teño eu máis callos na cona
que o Ferreiro ten nas mans

 E funga…..

(Cortesía de José Manuel A.)


O ESTRAPERLO (Cantada por Fuxan os Ventos)

Que levas en esa saia
que tanto valor lle dás?
Levo garavanzos e fabas
para ir estraperlar.

Con isto do estraperlo,
con isto de estraperlar;
con isto do estraperlo,
nin Deus quere traballar.

Que levas nesas alforxas,
que tanto valor lle dás?
Levo café e azúcar
da raia de Portugal.


O VIRA VIRA

I

Veño da terra do ouro,
veño da terra dourada,
veño da terra dos homes
pero non veño casada.

Adiós, rapaciña, adiós;
eu para ti xa non era,
anque máis altos navíos
navegan con menos vela.

E vira, e vira
se non viro eu;
teu pai é meu sogro,
teu amor son eu.

Eu caseime por un ano
por saber que vida era;
agora o ano acabouse,
solteiriña quen me dera!

Dices que te vas, te vas,
xa te puideches ter ido;
se te foras hai un ano,
xa me tiñas esquecido.
(Cantada por Fuxan os Ventos)

II

De Portugal me mandaran tres peras nun ramalliño,
estimaba de saber que me ten tanto cariño,
o vira, o vira, o vira virou,
a volta do vira son eu quen a dou.

De Portugal me trouxeran unha camisa ben feita,
cun caravel encarnado na pulseira da man dreita,
o vira, o vira, o vira virou,
a volta do vira son eu quen a dou.

Portugal, non me namores, non me toque-la birola,
eu xa fun a Portugal, Portugal non me namora,
o vira, o vira, o vira virou,
a volta do vira son eu quen a dou.
(Cantada por Muxicas)


UAH, LARARALALA ... (Cantada por Suso Vaamonde)

Viva a Cruña, viva Lugo, viva Ourense e Pontevedra BIS
e que vaian pró carallo os ladrós da nosa terra BIS

Uah, larara..

Este pandeiro que tocque por moito que repenique BIS
non teñas medo que rache que é de coiro de cacique BIS

Uah, larara..

Para peixe fresco Vigo, para chocos Redondela BIS
para camaróns Moaña, pra caciques Pontevedra BIS


ROMANCE DA RUFINA (Cantada e recollida por Fuxan os Ventos)

-Ai, Rufina hermosa, e ti qué fas eí?
-Tou gardando o gado; ben mo ves aquí
-Ai, Rufina hermosa, e ti gárda-lo gado
-Xa Dios me criouhe pra iste traballo
-Ai, Rufina hermosa, e queres vir conmigo,
nises montes soia correche pelighro
-Ai, Xesús divino! quen tal me desea,
querer que se perda a facenda allea

-Non che digo eso, nin tal como eso,
dígoche que veñas a toma-lo fresco
-A toma-lo fresco non vou, nin ireie,
vou gardar o gado, que o perdereie

-O gado, Rufina, non che dea cuidado;
que se ti o perdes, eu irei buscalo
-Ai, Xesús divino! seica ves oufano,
con mangas de seda gardar o meu gado

-Mangas e vestidos teño de rompere,
Rufiniña hermosa por che dar pracere
-Vaite daí, humano, non me deas pena,
que ha de vir meu amo traguerme a merenda

-E se vén teu amo, en que te ocupaches,
veu un trobón de augha, ti que te abrighaches
-Sei contar verdade, eu mentir non seie,
vou gardar o gado, que o perdereie

-O que estás de bravo e de impertinente,
homes non son lobos que coman a xente
-E se estou de bravo, fago moito benhe,
que se estou de bravo, todo me convenhe
-Todo che convenhe, díghoche eu que nonhe,
linda, me has de tere no teu corazonhe
-Vaite de aí, majo, non me deas tormento,
non te poido tere no meu pensamento

-Xúroche, Rufina, á fe de quen sonhe
que ti es miña irmá, i eu teu irmau sonhe,
-Se ti es meu irmau, e eu túa irmá sonhe,
de canto che dixen, pídoche perdonhe

-Pídeme perdón; estache perdoado,
dáme a túa mau e ponte de acabalo

Xentiña de Fuga, garde o meu gado
que aí vai a Rufina co seu namorado


AI MARUXIÑA! (cantado por Malvela) -You Tube-

Eu querer quéroche ben, eu téñoche admiración
quero casarme contigo, non mo quita o corazón,
non mo quita o corazón, non mo quita o corazón,
eu querer quéroche ben, eu téñoche admiración.


Ai Maruxiña,  eu ben cho dicía,
que o andar de noite é unha tolería,
 é unha tolería, é unha tolería,
ai Maruxiña, eu ben cho dicía.

Eu querer quéroche ben, …

Ai Maruxiña, non é nada malo
darlle un biquiño a un namorado,
a un namorado, a un namorado,
Ai Maruxiña, non é nada malo.

Eu querer quéroche ben, …

Ai Maruxiña, detrás dun valado,
dáme un biquiño que non é pecado,
que non é pecado, que non é pecado,
ai Maruxiña, detrás dun valado.

Eu querer quéroche ben, …

Ai Maruxiña, detrás dun codeso,
dáme un biquiño que eu ben cho merezo,
que eu ben cho merezo que eu ben cho merezo,
ai, Maruxiña, detrás dun codeso.

Eu querer quéroche ben, …


EU SON MARIÑEIRO (Cantado polo Xestal)

Dous amores no meu peito viven para o meu pensare
o da mociña que quero i o do traballo no mare,
i o do traballo no mare, ai lalelo, ai lalala.

Eu son mariñeiro da beira do mar
teño unha lanchiña pra ir navegar,
pra ir navegar, pra ir navegar,
eu son mariñeiro da beira do mar.


Pra ser un bon mariñeiro tres condicións hai que tere,
coñece-lo mar i os barcos e non ter medo a morrere,
non ter medo a morrere, ai lalelo, ai lalala.

Eu son mariñeiro da beira …

Ai polo aire a gaivota, ai polo mare a gavela,
meu corazón namorado, vai onda ti, miña nena,
vai onda ti, miña nena, ai lalelo, ai lalala.

Eu son mariñeiro da beira …


ARREPIPÍ

Arrepipí, arrepipí, iso si que é gosare,
o metere e o sacare (cartos na Caixa de Aforros)
.

Pola parte de Castilla … fan as casiñas de barro
mais cando chove un pouquiño por alí
mais cando chove un pouquiño van as casas (ó carallo).

Arrepipí, arrepipí,…
Hoxe é un día de festa para min, dunha alegría toda,
pois acaban de dicirme por aí, pois acaban de dicirme
que se casa, que se casa a miña sogra.

Arrepipí, arrepipí, ...

Esta noite hei de ir alí, hai de ir aló,
neniña non teñas medo, déixame a porta trancada,
déixama, déixame a porta trancada cunha palla,
cunha palla de centeo.

Arrepipí, arrepipí, ...


VEXO VIGO, VEXO CANGAS

Vexo Vigo, vexo Cangas, tamén vexo Redondela,
vexo a Ponde de Sampaio, camiño de Pontevedra

Vexo Vigo, vexo Cangas, tamén vexo Redondela,
vexo a Ponde de Sampaio, camiño da miña terra.


REBOLA O PAI, REBOLA A NAI

Unha vella e mais un vello quixeron ir ver o mare
e cando o tiveron diante puxéronse a rebolare,
rebola o pai, rebola a nai, rebola a filla,
eu tamén son da familia, tamén quero rebolar;
rebola o pai, rebola a nai, rebola a filla,
eu tamén son da familia, tamén quero rebolar

As cotillas do meu pobo, as máis bravas do lugare
cando se dan con mociños, todas queren rebolar
rebola o pai, rebola a nai, rebola a filla,
eu tamén son da familia, tamén quero rebolar;
rebola o pai, rebola a nai, rebola a filla,
eu tamén son da familia, tamén quero rebolar

E xa que me preguntas que é eso de rebolare,
ti cala que xa me entendes e non me fagas falare

PANDEIRETADA (cantada pola Quenlla)

E anda Manuel á ruada e anda Manuel á ruada
despois non vaias dicindo que non fan a foliada BIS
e aviva a gaita Pedriño que vai algo amortuxada
que as rapaciñas da Ulla quérena máis afinada BIS

Moito me doe a cabeza, moito me doe o pescozo
de mirar para o portelo por saber se vén meu mozo
ai lalelo, ai lalelo, ai lalelo, ai lalala.

E o que non canta nin baila, que vén facer á ruada?
aprender catro mentiras pra contar pola somana BIS

E hoxe eiquí non hai cirolas, e hoxe eiquí non hai cirolas,
que polo que me parece bailan as mulleres solas,
ai lalelo, ai lalelo, ai lalelo, ai lalala.

E ó cura de Santo Estevo morreulle a besta rabela,
tódolos que aquí non canten leven o camiño dela


PANDEIRETADA 2 (cantada pola Roda)

Un vello e mais unha vella, ai, fixeron unha trasnada BIS
empezaron a brincare, ai, e quedaron na estacada BIS

Os vellos non valen pra certos traballos,
o demo os atenta meterse en fregados,
meterse en fregados mellor lles sería
cun prato de papas quenta-la barriga.

Dúas vellas garuleiras, ai, andaban buscando home BIS
e dicíalle unha á outra: ai, xa escampará se non chove BIS

Os vellos non valen ...

Miña sogra ó peneirare, ai, todo o corpo sarandea, BIS
rabea por ter un home, ai, está caendo de vella BIS

Os vellos non valen ...


EU CASEIME CUNHA VELLA

Eu caseime cunha vella, ai, seica o demo me atentou, BIS
alá pola media noite, ai, na cama se esfurricou. BIS

Eu caseime cunha vella porque tiña o coiro duro, BIS
e os condenados dos ratos furáronlleme o bandullo. BIS

Unha vella fixo papas e o pote botoullas fóra, BIS
hai un ano que foi iso e aínda hoxe a vella chora. BIS

Agora xa non se usa matar as pulgas coa uña, BIS
métense nunha burata e dáselles cunha cuña. BIS

Eu caseime cunha vella por causa da pillarada BIS
e vai o demo da vella, trouxo dez nunha niñada. BIS


FOLIADA (cantada pola Quenlla)

Amores non máis de un e aquel é ben estimado,
nin cabalo de alta silla, nin silla de alto cabalo,
nin silla de alto cabalo, ai lalelo, ai lalalo.

Aquela que vai alí, a do andar miudiño,
quen me dera ir con ela, pra lle ensina-lo camiño,
pra lle ensina-lo camiño, ai lalelo, ai lalalo.

Cantan os galos, é día, meu amor érguete e vai,
como me hei de ir, queridiña, se non te podo deixar,
 se non te podo deixar, ai lalelo, ai lalalo.

Canta, meu corazón, canta, non te cubras de tristura,
que un pano de fina tenda unha mancha disimula,
unha mancha disimula, ai lalelo, ai lalalo.


MANOELA (cantada pola Roda)

A Manuela ten a culpa de que se quede sen forzas,
de día a cavar no monte, de noite a fregar na louza,
as cousas que hai que facer por mante-lo matrimonio,
a Manuela dille sempre: non fales de máis, Gregorio;
e manda carallo, que aguante ten, de día e de noite a face-lo ben,
se non ti xa sabes o que lle ten que face-la Manuela.
E manda carallo que aguante tes, comendo co porco e coa muller,
xa sabes Gregorio o que lle tes que facer a Manuela
.

Cando lle visita a Pepa, a filla da fariñeira,
marchan sempre pró pallar e bota a man á perneira,
pero a Manuela xa sabe que a filla da fariñeira
é coxa e lle falta un dente e con eso vai calqueira
e manda carallo, …

Cando se casou con ela, tiña unha casa e dous porcos,
ela tiña moitos cartos, tamén un can que era chosco,
señor cura, por favor, os ten que divorciar,
non creo que aguante moito pois o quere escarallar,
e manda carallo, …


DONDE VÉS, MARÍA?

Maruxa se vas á herba, Maruxa non sexas tola,
mira que fai moito vento e lévache a herba toda,
e lévache a herba toda, ailalelo, ailalelo.

Donde vés, María, donde vés, María, veño da verdura,
que rico repolo ten o señor cura, ten o señor cura,
ten o señor cura debaixo da saia, donde vés, María, veño da ferraia.

Teño unha herba na horta que rebenta polo pé,
tamén a túa rebenta porque di o que non é,
porque di o que non é, alalelo, ailalelo.

Donde vés, María, donde vés, María, veño da verdura,
que rico repolo ten o señor cura, ten o señor cura,
ten o señor cura debaixo da saia, donde vés, María, veño da ferraia
.


A DORNA (cantada pola Roda)

Meu pai deixoume a dorniña, miña nai deixoume o mare, BIS
non tiña máis que deixarme nin eu teño máis que dare BIS

Non che teño, rapaza, outra cousa que dar
máis que o peixe fresquiño que eu che traio do mar,
que eu che traio do mar, que eu che traio do mar,
non che teño, rapaza, outra cousa que dar.

Teño unha lanchiña en Cangas que lle chaman a Manuela BIS
en toda a ría de Vigo non hai lancha coma ela BIS

Non che teño, rapaza, ...

San Hadrián é barqueiro, barqueiro é San Hadrián BIS
San Hadrián é barqueiro, que leva o trevo na man, BIS

Non che teño, rapaza, ...

Teño lanchas, teño redes, teño sardiñas no mar,
teño unha nena bonita, xa non quero traballar,
xa non quero traballar, xa non quero traballar,
teño lanchas, teño redes, teño sardiñas no mar.


AS DE LAÍÑO (cantada pola Roda)

Elas eran de Laíño, elas de Laíño son, BIS
collen o xunco na Braña, van vendelo a Padrón, BIS
aihelelo, aihelelo, aihelelo, aihelalo.

Como chove miudiño, como miudiño chove, BIS
pola banda de Laíño, pola banda de Lestrove, BIS
aihelelo, aihelelo, aihelelo, aihelalo.

Pasei pola túa porta, pedín auga e non ma deches, BIS
vállame Deus, queridiña, que soberba te fixeches, BIS
aihelelo, aihelelo, aihelelo, aihelalo.

Sempre estás voume que voume, xa te pudeches ter ido, BIS
se te foras hai un ano xa me tiñas esquecido, BIS
aihelelo, aihelelo, aihelelo, aihelalo.


EU PASEI POR VILARIÑO (cantada pola Roda)

Eu pasei por Vilariño, por Vilariño cantando, ailá, ailá,
as mozas de Vilariño quedan no río berrando, aihelelo, aihelelo,
aihelelo, aihelelo, aihelelo, aihelelo, aihelelo, aihelelo, ailá.

Nena que estás na ventana coas puntas do pano fóra, ailá, ailá,
recólleas para dentro que o pano non enamora, aihelelo, aihelelo,
aihelelo, aihelelo, aihelelo, aihelelo, aihelelo, aihelelo, ailá.

Condenado de paxaro onde foi face-lo niño, ailá, ailá,
nunha gavela de toxos do Simón de Vilariño, aihelelo, aihelelo,
aihelelo, aihelelo, aihelelo, aihelelo, aihelelo, aihelelo, ailá.


EU PASEI O PORTONOVO (cantada pola Roda)

Eu pasei o Portonovo cunha lanchiña motora, BIS
fun solteiro e vin casado, meu ben, mais valera que non fora BIS

Rapaciña se vas á beiriña do mar, non te fíes do vento mareiro
que a lanchiña que vai pola ría pescar co ventiño pode naufragar BIS

O crego vendeu a burra por non lle da-la cebada, BIS
agora vai ós enterros, meu ben, dacabalo da criada BIS

Rapaciña se vas á beiriña do mar ...

Se queres que brille a lúa pecha os ollos, meu amore, BIS
que mentres os tes abertos, meu ben, a lúa pensa que hai sole BIS

Rapaciña se vas á beiriña do mar ...


TEÑO UNHA MOZA EN PADRÓN (cantada pola Roda)

Teño unha moza en Padrón e tamén é pementeira,
cando vou vela de noite, ailailala, ládrame o can desde a eira.

Chegaron as pementeiras, hai alegría na praza,
vou ver se chegou con elas, ailailala, tamén a miña rapaza.

Heiche de roubar un bico, mira que cho hei de roubar,
ó carón da túa porta, ailailala, sen que me vexa o teu pai.


ERA O VIÑO (cantada pola Roda)

O viño branco é meu primo, e o tinto é meu parente,
non hai sitio no meu corpo onde meu primo non entre.

Era o viño, miña nai, era o viño, era a cousa que eu máis desexaba,
somos morte, miña nai, somos morte, somos morte meu primo deixaba.

O meu curmán augardente pelexábase co leite,
meu albariño dourado, meu compañeiro de sempre.

Era o viño, miña nai ...

Coidado, bo guerrilleiro, contra a tristura tirana,
o meu amor do Ribeiro queimando as penas da ialma.

Era o viño, miña nai...


ALÁ VAI O GAITEIRO (cantada pola Roda)

Bota viño do ribeiro, taberneiro bota viño, bota viño do Ribeiro,
que os de Vigo pra cantare temos que beber primeiro,
temos que beber primeiro, ailalelo, ailalalo.

Alá vai o gaiteiro por detrás do pinar, vai tocando unha gaita,
ai deixalo pasar, ai deixalo pasar, ai deixalo pasar,
alá vai o gaiteiro por detrás do pinar.

Sonche de moito palique, as rapaciñas da Guarda sonche de moito palique,
elas botan o anzuelo, quen queira picar que pique,
quen queira picar que pique, ailalelo, ailalalo.

Alá vai o gaiteiro ...

Ben se poden alabare, as rapaciñas da Guarda ben se poden alabare,
son bonitas e ben feitas, e salgadas como o mare,
e salgadas como o mare, ailalelo, ai lalalo.

Alá vai o gaiteiro ...

Pensando que te casabas, fixéche-la permanente,
pensando que te casabas, fixéche-la vinte veces
e quedache como estabas
e quedache como estabas, ailalelo, ailalalo.

Alá vai o gaiteiro ...


MARICA SE VAS Ó RÍO LAVAR (cantada pola Roda)

Marica se vas ó río a lavar, non bata-la roupa que a podes rachar,
que a podes rachar, que a podes tender, Marica se vas ó río a beber
.

Non chas quero, non chas quero, castañas do teu magosto,
non chas quero, non chas quero, que me cheiran ó chamosco,
que me cheiran ó chamosco, alalelo, ailalalo.

Marica se vas ó río a lavar ...

Que ben baila, que ben baila, a da chaqueta redonda,
moito mellor bailaría se tivera máis longa,
se a tiver máis longa, ailalelo, ailalalo.

Marica se vas ó río a lavar ...

Non chas quero, non chas quero, nabizas do teu nabal,
non chas quero, non chas quero, que me poden facer mal,
que me poden facer mal, alalelo, ailalalo.

Marica se vas ó río a lavar ...

Que ben baila, que ben baila, a do zapato baixiño,
que ben baila, que ben baila, ai na beira do camiño,
ai na beira do camiño, ailalelo, ailalalo.

Marica se vas ó río a lavar ...


CANTAR DA VENDIMA (cantada pola Roda, o Cuco de Velle)

Iste cantar da vendima éche un cantar vendimeiro, BIS
iste cantar da vendima trouxérono do Ribeiro BIS
ailalara, ailalará ...

Vendima, vendimadoira, na vendima do meu pai, BIS
que o viño vai na cabaza e o pan na cestiña vai, BIS
ailalara, ailalará ...

Vendima, vendimadoira, na vendima do teu pai, BIS
heiche de come-las uvas, que outra cousa non cha hai BIS
ailalara, ailalará ...

Iste cantar da vendima éche un cantar moi meiguiño, BIS
iste cantar é da terra onde se fai o bo viño BIS
ailalara, ailalará ...

E na versión de Treixadura tamén

Andivécheste alabando
que me morría por ti,
que me morro non é certo,
pero que te quero si.

Cortade as uvas, rapaciños,
pra acabar pronto a tarea,
que despois temos a ruada
e queremos ir a ela


EU NON SEI (cantada pola Roda)

Pun, pun, pun, peteiche na porta, non me quixeches responder, BIS
pasaches por min e dixeches: cshis, cshis, cshis,
este pandeiriño que che toca zúmballe a Marica,
era do pelexo dunha ovella, como repenica,
como repenica, Maruiña, como repenica,
este pandeiriño que che toca, zúmballe a Marica.

Eu non sei que pasou no muíño, eu non sei que debeu de pasar,
desde entón Maruxiña está triste, desde entón non fai máis que chorar,
pasaches por il e dixeches:
este pandeiriño que che toca zúmballe a Marica,
era do pelexo dunha ovella, como repenica,
como repenica, Maruxiña, como repenica,
este pandeiriño que che toca, zúmballe a Marica.

Se queres que vaia e veña, rapaciña ó teu lugare, BIS
has de prende-la cadela que non fai máis que ladrare, BIS
a miña meniña cando vai pró muíño, vai enfariñada, cheíña de frío;
cheíña de frío, cando vai xiada, a miña meniña meteuse na cama.

Esta noite hei de ir a verte, Camela non teñas medo, BIS
déixame a porta trincada, ai, cunha palliña de centeo BIS
ailalailaraila...


NOSA SEÑORA DA GUÍA (cantada pola Roda)

Nosa Señora da Guía, alá vai, alá vai indo,
a barquiña que a leva parece que vai durmindo,
ailalá, ailá.

Mariñeiriño da nosa Ribeira, ergue e traballa no mar na noite en terra, BIS
vento mareiro, vai a barquiña voar, vai a barquiña voar,
que estou morrendo de amor mariñeiro. BIS

Nosa Señora da Guía ten a porta para a Illa,
para ver os mariñeiros como pescan a sardiña,
ailalá, ailá.

Mariñeiriño da nosa Ribeira ...

NOSA SEÑORA DA GUÍA ou CHULA DA RÍA (versión de Treixadura)

Nosa Señora da Guía,
guía os homes do mar.
Veña ver a barca a vela,
que se vai deitar no mar.
Nosa Señora vai dentro
e os anxiños a remar.

Nosa Señora da Guía,
a guía dos mariñeiros,
guíeme a miña cuadrilla
toda de mozos solteiros.

Teño máis de mil amigos,
aquí non me sinto só,
cantarei ao desafío,
ninguén teña de min dor.

Na alma se me cravou
a espiña do teu querer,
anque afellas me deixaron
soio para padecer,
neste mundo si hei vivir,
outro amor non hei de ter.

Quen non viu cantar un vello
non sabe o que é cantar.


BOAS TARDES, MARUXIÑA (cantada por Ugia Pedreira)

A lúa vai encuberta, a min pouco se me dá,
a lúa que a min me aluma dentro do meu peito está,
dentro do meu peito hai unha chave para abrir,
nin eu teño máis que darche nin ti que me pedir.

Boas tardes, Maruxiña, que cansadiña che veño,
dáme un tallo pra sentarme que eu de pé xa non me teño,
que de pé xa non me teño, que xa non me podo ter,
boas tardes, Maruxiña, que cansadiña me ves.

Como queres que che queira e que che teña afición,
que outro paxariño voa dentro do meu corazón,
dentro do meu corazón hai unha pedra moi dura,
vai abrandando co tempo, pode ser por causa túa.

Boas tardes, Maruxiña ...


VAITE LAVAR, PORCONA

Vaite lavar, porcona, vaite lavar,
se non che chega o río, tírate ó mar,
tírate ó mar, porcona, tírate ó mar,
vaite lavar, porcona, vaite lavar

A muller do ferreiriño, non hai muller coma ela,
de día malla no ferro e de noite o ferreiro nela.

Vaite lavar, porcona ...

O galo cando canta é día, é día, é día,
o galo cando canta é día, vaite de baranda
vaite todo o día.

E nós como somos gandules, gandules, gandules,
vamos de baranda de sábado a lunes.

Cada vez que te emborrachas, Manuel,
ti xa vés en busca miña, Manuel,
ai Manueliño, Manuel, ai Manueliño, Manuel,
ogallá te emborracharas, Manuel,
a todas horas do día, Manuel,
ai Manueliño, Manuel, ai Manueliño, Manuel,


AS LANCHAS DO XEITO

Aí veñen as lanchas do xeito
pescando sardiñas a eito,
e van cara á banda do mar
porque os de Rianxo
non saben pescar.


MOZA QUE ESTÁS NA VENTANA

Moza que estás na ventana, ca punta do pano fóra,
mira para dentro, o pano non enamora.

As rapazas da Coruña non é unha que son todas,
botan dous pares de media para te-las pernas gordas.

Ó entrar na Coruña o primeiro que se ve,
todas as mozas nas ventanas e as camas sen facer.

Aí vos vai a despedida, aí vos vai a derradeira,
acabouse o chiculate, rompeu a chiculateira.


CARMIÑA, CARMELA

Carmiña, Carmiña, Carmen, moito me gusta o teu nome,
eu sempre chamo por Carmen e Carmen non me responde.

Camiña, Carmela, que pena te dás,
na guerra de Cuba morreuche o rapás,
morreu, morreu, déixalle morrer,
que pra ti, Carmiña, rapaz ha de habe
r

Carmiña ten un tinteiro cheo de tinta marela,
déixame molla-la pluma no teu tinteiro, Carmela.

Camiña, Carmela, que ...


A MIÑA BURRIÑA

A miña burriña cando vai ó míiño, vai toda enfariñada, cheíña de frío;
cheíña de frío e mais de xiada, ai, a miña burriña sempre vai cargada
.

Anque vou pra fiandeiro non vou por fiar na roca,
vou par toca-lo pandeiro, ai, que esta noite a min me toca.

A miña burriña cando vai ó muíño ...

E esta noite hei de ir a verte, nena non me teñas medo,
déixame a porta trancada, ai, cunha palla de centeo.

E esta noite e maila outra e maila outra pasada,
abalei unha pereira, ai, que nunca foi abalada.

A miña burriña cando vai ó muíño ...


A PALMEIRA

Palmeira, miña Palmeira, Palmeira que triste estás,
e na serra da Gaiteira, roubáronche o teu rapaz,
leváronche o teu rapaz, leváronche o teu querer,
agora miña Palmeira, agora que lle has facer.

A Palmeira fixo un traxe pensando de se casar,
ha de gastar aqueloutro e ha de quedar como está.

Palmeira, miña Palmeira, Palmeira que triste estás,
alá na serra da Gaiteira, roubáronche o teu rapaz,
leváronche o teu rapaz, o teu rapaz de pin pon,
Palmeira da miña vida, Palmeira do corazón.


BAILA QUERIDIÑO (cantada por Faltriqueira)

Baila queridiño, baila, baila se queres bailare, BIS
para cantar veño eu, para bailar meu irmán,
para toca-lo pandeiro, viva quen o ten na man.
Baila queridiño, baila, baila se queres bailare, BIS
Anque bailes toda a noite, aquí tes quen che ha cantare.

A pandeireta na man heina de facer falare,
soio lle faltan os ollos para poder namorare,
unha volta polo medio e outra volta de arredore,
así fai o que ben baila, así fai o bailadore.

Por aquel que entrou no baile, por aquel que entrou agora,
por aquel que entrou no baile, cantarei a noite toda.
Baila queridiño, baila, baila se queres bailare, BIS
Anque bailes toda a noite, aquí tes quen che ha cantare.


PERDÍN O MEU XUSTILLO (cantada por Faltriqueira)

Perdín o meu xustillo, perdín o meu xustillo, perdín o cordón del,
mira Pepa, perdín o cordón del.
Meu marido tráeme outro, meu marido tráeme outro,
mira Pepa, eu darei conta del.
Adiós ata mañán, adiós ata mañán,
adiós ós que se quedan, adiós ós que se van.
Perdín o meu xustillo, perdín o meu refaixo,
perdín o cordón del, adíos, meu marido tráeme outro,
ata mañán, adiós ata mañán.

Perdín o meu refaixo, perdín o meu refaixo, perdín o rodo del,
mira Pepa, perdín o rodo del.
Meu marido tráeme outro, meu marido tráeme outro,
mira Pepa, eu darei conta del.
Adiós ata mañán, adiós ata mañán,
adiós ós que se quedan, adiós ós que se van.
Perdín o meu xustillo, perdín o meu refaixo,
perdín o rodo del, adíos, meu marido tráeme outro,
ata mañán, adiós ata mañán.


CAMIÑA DON SANCHO

Camiña don Sancho, mañanciña fría, BIS
á terra de mouros a librar cautivos BIS
e á beira da fonte, da fonte belida BIS
as vendas doíño lavaba a mociña, BIS
de terra de mouros, don Sancho volvía BIS
e a ialma na fonte deixaba cautiva BIS


AXÉITAME A POLAINIÑA (versión de Faustino Santalices)

Axéitame a polainiña, axéitame a polainá,
axéitama diste lado que destoutro xa che está,
ponme a monteira de rizo e o chaleque de veludo,
os calzóns e maila faixa que merquei na feira en Lugo,
quero campar e troulear anque son vello, netiña,
que traballen os que poden, eu traballei toda a vida,
hei de ir ás feiras e ás romerías come-lo pulpo e outras cousas finas,
beber bo viño, falar coa xente e oí-la gaita do señor Vicente.
Axéitame a polainiña, axéitame a polainá,
axéitama diste lado que destoutro xa che está.
Víndeme os bois e víndeme as vacas e non me vénda-lo pote das papas;
víndeme a cunca mailo cunqueiro e non me vénda-lo o meu tabaqueiro,
e non me vénda-lo o meu tabaqueiro.


CANTAR DE CEGO (versión de Faustino Santalices)

Iste ceguiño que vedes cantando
de entrambos ollos da cara cegou
mais por agora vaise gobernando
co outro ollo que inda lle quedou.
Esto que vos digo contáronmo a min
volvendo da feira de Portomarín
con outras cousiñas que vos contarei,
se son ou non certas eu non volo sei.
Como son vello e fáltame a vista,
cando unha moza me vén a falar
pra me dar conta se é grosa ou é fraca
teño por forza que ás maos apelar
e teño observado que as hai que se rin
e outras moi pouquiñas que foxen de min,
e a mor parte delas chaman polas nais,
pro chaman baixiño e arrímanse máis.
Ana Marica quedouse soliña
porque o seu home pra Cuba marchou
e tal desgosto colleu a rapaza
que gravemente a coitada enfermou
e soio quería que a fora coidar
un primo que tiña no mesmo lugar
e dispois dicía cando xa sanou:
gracias ás frequiñas que Manuel me dou.


PRENDE SALGUEIRIÑO (versión histórica da Coral Polifónica de Pontevedra)

Durme, meu meniño durme, durme, ti queres durmir,
a túa nai vaiche na leña, o teu pai logo ha de vir.
Prende salgueiriño prende, prende na fonte serea,
tamén os meus ollos prenden nas olladas dunha nena,
ailalala ...
Estreliña do luceiro, quen ten amores non durme,
quen ten amores non durme, senón o sono primeiro,
ailalala ...


BARQUEIROS DE RIBADAVIA (versión de Leixaprén)

Barqueiros de Ribadavia víndeme pasar a min,
que veño de Santa Rosa e vou pra San Agustín,
e vou pra San Agustín, ailalelo, ailalalo.

Boga barqueiro de présa, non deixes que a auga te leve,
quero ve-los meus amores e antes que a noite chegue
e antes que a noite chegue, ailalelo, ailalalo.

Ti que fas Maruxiña, ti que fas polo vrao
e eu mallando no millo e eu mallando cun pao,
e eu mallando cun pao, e eu mallando cun pao,
ti que fas Maruxiña, ti que fas polo vrao.


CANTIGA DE LABOURA (versión de Pallamallada)

Meu irmao veu de Castilla, regaloume unha navalla BIS
cun letreiro que dicía: se queres comer, traballa,
ailaralara, ailaralarala.

Vamos cantando e segando, maioral de la cuadrilla, BIS
vamos cantando e segando, que así gañámo-la vida,
ailaralara, ailaralarala.

Teño a pedra de afiar a remollare no río, BIS
pra que non manque a gadaña e saque ben o fío,
ailaralara, ailaralarala.

Vinde, vinde para arriba, temos vales e montañas;
tamén veiguiñas floridas, ailerelerelele, ailerelerelele;
quixera darte e non darte, quixera pegarche un tiro,
e non quixera matarte, ailerelerelele, ailerelerelele;
rapaza da beiramare non baile-la ribeirana,
se non a sabes bailare, ailerelerelele, ailerelerelele;
mozos hainos na ribeira, hainos de media polaina,
hainos de polaina enteira, ailerelerelele, ailerelerelele;
de Trabanca poden sere, onde elas lavan a cara,
calquera pode bebere, ai lerelerelele, ai lerelerelele.


DÁME LUME CLARA (XOANA)

I (versión de Quempallou)

Dámo si e dámo non, que todo mo podes dare,
dámo si do meu querere e o de non me olvidare.

-Dáme lume Clara polo vertedeiro,
dáme lume Clara, que eu son o ferreiro,
-se ti e-lo ferrerio, subirás pra riba;
durmirás na cama cunha chavaliña.
Esa chavaliña será do teu tempo,
durmirás con ela pra pasa-lo tempo.

Quen me dera, quen me dera,
quen me dera o que eu quería,
quen me dera cambiare
tristura por alegría.

Dáme lume Clara ...

II (versión de Fuxan os Ventos)

-Dáme lume Xoana polo vertedeiro
se non me conoces eu sonche o ferreiro,
- se ti e-lo ferreiro sube pró sobrado,
comera-lo caldo no medio ferrado;
-o medio ferrado non quero nin vere
e eu teño un canciño, larín,
cun cun, que xa me mantén;
e un canciño non hai quen queira,
larín, cun, cun, correr a freixeira.

-Se tes un canciño que xa te mantén
por que andas tentando o meu procedere;
-o teu procedere xa teño tentado,
ti por ben mo dabas e eu viña roubalo;
-se viñas roubalo íbalo sudare
que no meu sobrado, larín,
cun cun, tamén ladra un can
e un canciño non hai quen queira,
larín, cun, cun, correr a freixeira.


HEI DE IR Á TÚA SEITURA (versión dos Saraibas)

Hei de ir á túa seitura, hei de ir á túa segada,
hei de ir á túa seitura, que a miña vai acabada.

Son horas de merendiña, son horas de merendar,
son horas de merendiña e aínda non veu o xantar.

Segai meniña, por esas palliñas raras,
nin comer nin beber, nin gañare-la sombrada.

Ruxe o ferro, ruxe o ferro e eu corro norte
o diñeiro do meu amo, non se gaña nesta sorte


FÍA NA ROCA (versión dos Saraibas)

Fía, fía, fía na roca, fía, fía e fai mazaroca.BIS

Fía no fía que fía, fiadora, miña roca, BIS
fía no fía que fía, fiando fai mazaroca BIS

Agora vouche contare, agora meu queridiño, BIS
pra que o liño sexa bo haise que meter no río BIS

Fía, fía, fía na ...

Fía miña roca, fía, que eu son boa fiadora, BIS
cada día fío, fío, non vexo unha mazaroca. BIS

Fía, fía, fía na ...

A moza que é caladiña e non di mal de ninguén, BIS
canto máis baixiño mira cantos máis amores ten. BIS

Fía, fía, fía na ...


NA FLOR DOS MEUS ANOS (versión da Señora Carmen)

Ai alá na flor dos meus anos, ai fun unha sacrificada,
ai sufrín penas, sufrín males, ai, ai o que eu levo pasado,
ai, ai o que eu levo pasado, ailalala, ailalala.

Ai os meus olliños secaron, ai de tanto por ti chorare,
agora non teño consolo, ai alivia o meu penare,
ai alivia o meu penare, ailalala, ailalala.

Ai Sara, ai Dora, ai Sara, túa nai chora,
ai Sara, Sarola, ai Sara do corazonhe.

Ai estreliña do mencer, irmán pequeniña da Lúa,
non aumentes as miñas dores, ai deste mal que non ten cura,
ai deste mal que non ten cura, ailalala, ailalala.

Ai Sara, ai Dora, ...

Ai San Antonio de Lisboa, ai feito de pau de sanguiño,
ai dáme lume, dáme forzas para non perde-lo camiño,
para non perde-lo camiño, ailalala, ailalala.

Ai Sara, ai Dora, ...


PIRIMPIMPIM

Pirimpimpim pim pim, pim pimn, Manolo virá pra acá, María vira pra aquí BIS
Teño dentro do meu peito unha laranxa partida
para darlle ó meu amor o Pirimpirim pim pim
para darlle a miña vida.
Pirimpimpim, pim pim, pim pimn, Manolo virá pra acá, María vira pra aquí BIS

De Portugal me mandaron tres peras nun ramalliño,
quen me dera a min saber o Pirinpirín pim pim
quen me ten tanto cariño.
Pirimpimpim, pim pim, pim pimn, Manolo virá pra acá, María vira pra aquí BIS

Do outro lado do río, do outro lado meu ben,
do outro lado do río o Pirimpirim pim pim
teño a que lle quero ben.
Pirimpimpim, pim pim, pim pimn, Manolo virá pra acá, María vira pra aquí BIS

Ó entrar en Sanguiñeira hai un lexo de letreiro
que sempre está a dicir o Pirimpirim pim pim
Portugal meu compañeiro
Pirimpimpim, pim pim, pim pimn, Manolo virá pra acá, María vira pra aquí BIS


O GALO

O galo cando canta é día, é día, é día, o galo cando canta é día,
vamos de parranda de noite e de día. BIS

O galo cando canta é hora, é hora, é hora, o galo cando canta é hora,
bótate María, bota o galo fóra. BIS

E como somos da ribeira, ribeira, ribeira, e como somos da ribeira,
vamos de parranda a semana enteira. BIS


POLO RÍO ABAIXO

 Polo río abaixo vai unha troita de pé,
corre que te corre, quen a puidera coller,
quen a puidera coller, quen a puidera pillar.
Polo río abaixo vai unha troita de pé.

Ó ve-las flores se alegra BIS
o paxariño do prado. BIS
Eu con ve-la túa cara BIS
boto fóra as miñas penas.

 Polo río abaixo vai unha troita de pé,...

Que cho teño ben gardado,
heicho de dar que cho teño,
que cho teño ben gardado,
nena cando foras miña,
o caraveliño encarnado.

 Polo río abaixo vai unha troita de pé ...


CANTIGAS DE MATRIMONIOS (Fonte)

Eu querer quéroche ben,
e téñoche admiración;
pero casarme contigo,
non mo pide o corazón.

Non mo pide o corazón,
non mo pide o corazón;
eu querer quéroche ben,
eu téñoche admiración.

Non sei por que me casei,
que solteira ben estaba;
antes falaban de min,
agora ninguén me fala.

Non sei porque me casei
que solteira ben estaba;
andaban detrás de min,
agora ninguén me fala.

Palabra de casamento
nin cha dou nin cha darei;
pasar o tempo contigo
iso si que o farei.

Eu queríame casar,
miña nai non teño roupa;
casa miña filla, casa
que unha perna tapa a outra.

Eu caseime por un ano,
por saber que vida era;
agora o ano acabouse,
solteiriña quen me dera!

Solteiriña, non te cases,
non déixe-la boa vida;
que eu ben sei dunha casada
que chorou no outro día.

Eu caseime aló para arriba,
para a terra de moito pan;
o forno da miña sogra
bota silvas no verán.

Miña nai por me casar,
ofreceume canto tiña;
agora que me casei,
pagoume cunha galiña.

Miña nai por me casar
ofreceume bois e vacas;
agora que me casei,
deume unha cunca de papas.

Caseime para aló para arriba,
para a terra de Maragatos;
cunha vella, vella, vella,
toda comesta dos ratos.

Casadiña de tres días,
onde che van as colores?;
nin casada, nin solteira,
nunca chas tiven mellores.

Caseime para aló para abaixo,
para a terra de Maragatos;
déronme un homiño vello
todo comesto dos ratos.

Caseime para aló para abaixo,
para a terra de moito pan;
o forno da miña sogra
bota silvas no verán.

No medio do Vilar hai
unha pedra de asento,
para sentárense os mozos
que veñen do casamento.

Eu queriame casar,
miña nai dime que é cedo;
ela como está casada,
non sabe as ganas que eu teño.

Non quero casar, ¡caramba!,
¡non quero manter muller!,
que a manteña seu pai,
que a manteña se quere.

Heiche de dar o boi mouro
e maila vaca marela,
e maila filla máis nova,
se non quers a máis vella.

Heiche de dar o boi louro
e maila vaca Marela
e maila filla máis nova
para que cases con ela.

Miña nai por me casar
ofreceume un año novo;
agora que me casei,
dixo que o comera o lobo.

Heime de casar este ano,
anque sexa cun ben pobre;
que todo o mundo fai risa
da muller que non ten home.

Moito me gustas rapaza,
no lavar da túa roupa;
has de ser miña cuñada,
se meu irmán non quere outra.

Oliveira ben prantada,
sempre parece oliveira;
unha nena ben casada,
sempre parece solteira.

Non quero casar, caramba;
Non quero manter muller.
Que a manteña seu pai!
Que a manteña se quere!

A regueifa está na mesa,
no medio ten un codeso;
a muller que a amasou,
aínda ten o lombo teso.

Aquí nenas, aquí todas,
darredor do meu sombreiro;
heivos de casar a todas
se o voso pai ten diñeiro.

O día que ti te cases
deus queira  que non apareza
nin o crego, nin o sacristán,
nin as chaves da igrexa.

O día que eu me case
queira Deus que non apareza
nin cura, nin sacristán,
nin as chaves da igrexa.

O anillo do meu dedo
é de diamante moi fino;
heicho de dar, Manuel
cando te cases comigo.

Heime de casar contigo,
heime de casar, hei, hei;
heime de casar contigo,
coa túa nai xa falei.

Non te quero, non te quero
e xa na cara cho digo;
non me pariu miña nai
para casarme contigo.

Neniña bonita da cor da cereixa,
cásome contigo, se teu pai me deixa;
se teu pai me deixa e a túa nai quere,
neniña bonita, eres miña mullere!

Regaliño dos meus ollos,
prenda das miñas entrañas:
se non te casas comigo,
por qué non me desenganas?

O día que me casei,
todo o día caeu neve;
aínda puido caer viño
que o meu home ben o bebe.

Corredoiras apretadas,
camiño de moitas pedras;
se non te casas comigo
nunca bo camiño levas.

Debaixo da túa ventá
hai un puñal escondido;
para matar á túa nai,
se non te casas comigo.


CANTEIROS E CARPINTEIROS

Canteiros e carpinteiros
da vila de Pontevedra,
aquÍ falta unha meniña
teredes que dar conta dela.

Vaite mundo vaite mundo
que axiña diches a volta,
a,i que axiña me deixaches
con loito a miña porta.

Algún día algo, algo
agora, mal pocadiño,
xa no me queren as nenas
porque vou acabadiño


FOLIADA DE SANTIAGO (Versión de Cantigas e Agarimos)

Se vas polas Platerías
a rezar na Corticela
tomarás auga bendita
dos cabaliños de pedra. BIS

Polo Sar abaixo vai unha troita de pé,
corre que te corre quen a puidera coller,
quen a puidera coller, quen a puidera pillar,
a cabalo dela ir á beiriña do mar.

Hai un carreiro de estrelas
que vai ó lombo do ceo,
é o que me leva a Santiago
pra gaña-lo xubileo. BIS

Polo Sar abaixo vai ...

Benditos os santiagueses
que souberon darse maña
pra gaña-lo Libredón
do santo Patrón de España. BIS

Polo Sar abaixo vai ...


FOLIADA DO RUEIRO

Santiago de Compostela
moi mollada tes que estar,
moi mollada tes que estar,
por un lado te-lo Sar,
polo outro o Sarela,
polo outro o Sarela,
aialelo aialalo.

Fun polo Rueiro, fun por Figueiriñas,
fun e no camiño unha moza atopei,
non sei se unha fada ou unha meiga sería
pois daquela moza eu me namorei.

Desde Lermo ata o Rueiro
serpentea maino o río,
desde Lermo ata o Rueiro
tamén eu serpenteaba
tras dun amor verdadeiro,
tras dun amor verdadeiro,
aialelo aialalo.

Fun polo Rueiro...

Unha noite de trebóns
pasei a ponte do Carmen,
unha noite de trebóns
e tan cheo o río iba
que me mollei os calzóns
que me mollei os calzóns
aialelo aialalo.

Fun polo Rueiro...


COLORADIÑA DE CARA

Coloradiña da cara
eu non a quixera ser,
unha mazán colorada
todos a queren comer

Pequiniñas e ben feitas,
así as quere o meu Pedro
nin pequeniñas de máis
nin grandes que poñan medo

-Por que non cantas paxaro?
-Porque non teño alegría,
non se fai cousa de noite
que non se saiba de día


REMA BARQUEIRIÑO

Rema barqueiriño, rema,
non deixes que a auga nos leve
que quero ver o meu amore
antes de que a noite cerre.

Voume por aquí abaixo
ó son da auga que corre,
non teño padre nin madre
nin mozo que por min chore.

Máis quero ser solteiriña
que muller de home baldío,
mais quero un probe con honra
que sen ela un home rico


EU CASEIME NO ARAÑO

Eu caseime no Araño,
Coa filla dun arañón;
Ela bonita non é,
Pobre sí, honrada non.

Eu caseime na montaña
porque había moito pan,
o forno da miña sogra
bota silvas polo verán.

Eu caseime coa bonita,
coa bonita sen facenda,
agora quero comer
a bonita non me alembra.

Eu caseime por un ano,
por saber que vida era,
o ano vaise acabando,
solteiriña quen me dera.

Eu caseime por un ano
coidando de vender allos,
gora vendo cebolas
por causa dos meus traballos


EU XUNGUÍN OS MEUS BOIS

Eu xunguín os meus boíños
e leveinos á arada
e no medio do camiño
esquencéuseme a aguillada.

Volvín á casa correndo,
topei a porta pechada,
"ábreme a porta, muller,
que me esquenceu a aguillada"

Ruxa o ferro, ruxa o ferro,
ruxa o ferro e corra a noite
que o diñeiro do meu amo
non se gaña desta sorte


UN GATO E UN ESCRIBANO

O que casa con morena
leva a vida amargurada,
rilla no pan de centeo
tendo da fariña branca.

Non cases con home roxo,
color de azafrán en rama,
que é como as barbas do millo
que non serven para nada.

Un gato e un escribano
caeron xuntos nun pozo
e como os dous eran gatos
rabuñáronse o pescozo


FISTERRA (canta Treixadura)

Fisterra vai na proa
Camariñas vai no mar
Santa Uxía de Ribeira
Poboa do Caramiñal

Eu tamén choro,
eu tamén choro,
cando non me alumean, meu ben,
eses teus ollos.


Se queres que brille a lúa
pecha os ollos meu amor
que mentras os tes abertos
a lúa pensa que hai sol

Eu tamén choro...

Para sardiñas Aguiño
para polbos Castiñeiras
para rapazas bonitas
Santa Uxía de Ribeira

Eu tamén choro...


FOLIADA DE SARELA (canta Treixadura)

Funme deitar a durmire
ao pé da auga que corre,
a auga foime dicindo:
quen ten amores non dorme.

Quen ten amores non dorme
quen non os ten adormece,
quen os ten lonxanos chora,
quen os ten preto pacede.

Teño carta no correo
e non sei que me traerá,
se me traerá o consolo
ou me desconsolará.

Quen ten amores non dorme ...

O que nunca estivo lonxe,
non sabe o que é padecere,
de lonxe as penas aumentan
pra quen sabe querere.


MUIÑEIRA DO SANTO AMARO (canta Treixadura)

Señor cura, señor cura,
a doutrina non lla sei,
pidame unhas cantiguiñas
que eu llas repinicarei!

Moza bonita no mundo
non debera de nacer,
porque fai como a mazá,
todos a queren comer.

Ser solteiro é boa cousa,
o ser casado tamén,
deixarei pra cando morra
pensar no que me convén.

Por dicir Viva San Roque!
prenderon o meu irmán,
agora que o soltaron:
Viva San Roque e o can!


SE CHOVE (canta Treixadura)

Aí vén o vento do mare,
aí vén o vento mareiro,
aí vén o meu queridiño
vestido de mariñeiro.

Se chove, deixa chovere,
se orballa, deixa orballare,
por máis que chove e vente
de non me hei de apartare.

Pasei pola ponte abaixo,
vin saltar unha sardiña,
mariñeiros, ide ao mare
e botádelle a traíña!

Se chove, deixa chovere, ...

Indo polo mar abaixo
perdín a miña navalla,
rema mariñeiro, rema,
que alá no mar me quedaba.

Se chove, deixa chovere, ...

O que navega de noite
ha tropezar nos penedos,
eu que ando polo día
tropezo nos teus enredos.


AS MIÑAS COUSAS - ANSUÍÑA (cantada por Treixadura)

Teño unha galiña branca
que me veu de Redondela,
da miña comadre o galo
non me veña dar con ela.
Ai, la la, ai la la...

Teño de ver o meu liño,
que me dá pola cintura,
non sei se é liño, se é herba,
bagalla non ten ningunha.
Ai, la la, ai la la...

Unha pera, dúas peras,
non tiña máis a pereira,
unha será para o xastre,
outra para a costureira.
Ai, la la, ai la la...


LONXE DA TERRIÑA (Luar na Lubre, en You Tube). Poema de Aureliano J. Pereira musicado por Xohán Montes.

Lonxe da terriña,
lonxe do meu lar,
que morriña teño,
que angustias me dan;
non che nego a bonitura,
ceíño desta terriña,
ceíño da terra allea,
ai, quen che me dera na miña.

Ai, meu alalá,
cando te oirei,
chousas e searas,
cando vos verei;
son as frores dises campos
frorentes e bonitiñas,
ai, quen aló che me dera
entre veigas e entre ortigas.

Lonxe da terriña,
que angustias me dan,
os que vais pra ela
con vós me levai,
os que vais pra ela
con vós me levai,
os que vais pra ela
con vós me levai.


DOUS AMORES. (Poema de Salvador Golpe e música de Baldomir)

Dous amores a vida gardarme fan:
a patria e o que adoro no meu fogar.
A familia e a terra donde nacín,
sen eses dous amores non sei vivir!

Cando xa no meu peito non sinta amor,
cando da miña patria non vexa o sol,
ven morte, ven axiña cabo de min,
que sin amor nin patria non sei vivir!


UN ADIÓS MARIQUIÑA. Poema de Manuel Curros Enríquez, que o titulou A Mariquiña Puga. Púxolle música o mestre Castro Chané. (You Tube)

Como ti vas pra lonxe
i eu vou pra vello,
un adiós, Mariquiña,
mandarche quero,
que a morte é o diaño
i anda rondando as tellas
do meu tellado.

Cando deixes as costas
da nosa terra
nin lus nin poesía
quedará nela.
Cando te vaias
vaise contigo o ánxel
da miña garda.

Pombiña mensaxeira
de branca pruma, 
fálalle ós emigrados
da patria súa.
Dilles, mimosa,
que deles apartada
Galicia chora.

Dilles que prós seus lares
tornen axiña;
que sin eles non queren
pintar as viñas,
regar os regos,
madurar as castañas
nos castiñeiros

Dilles que non hai terra
millor que a nosa,
máis ridentes paisaxes,
máis frescas sombras,
máis puros ceos,
nin lúa máis lucente
no firmamento.

Dilles que súas obrigas
eiquí os esperan,
¡e se onde elas non morren
que se condenan! ...
I agora voa,
pombiña, e que te guíe
Nosa-Señora.


UNHA NOITE NA EIRA DO TRIGO (You Tube). Esta cantiga pertence a Aires da miña terra, de Manuel Curros Enríquez. No libro o título é Cantiga e o primeiro verso: no xardín unha noite sentada. Mais popularizouse con este título e verso que aquí recollemos. Axudou á súa difusión a música de Cesáreo Alonso Salgado, logo arranxada por Xohán Montes.
Unha noite na eira do trigo: No bico un cantar (TVG)

Unha noite na eira do trigo
ó refrexo do branco luar
unha nena choraba sin trégolas
os desdés dun ingrato galán.
I a coitada entre queixas decia,
"xa no mundo non teño ninguén,
vou morrer e non ven os meus ollos
os olliños do meu doce ben".

Os seus ecos de malenconía
camiñaban nas alas do vento
i o lamento
repetía:
"vou morrer e non vén o meu ben!".

Lonxe dela, de pé sobre a popa
dun aleve negreiro vapor
emigrado, camiño de America
vai o pobre, infelís amador.

I ó mirar ás xentís anduriñas
cara á terra que deixa cruzar:
" quen pudera dar volta - pensaba-,
quen pudera convosco voar!".

Mais a aves i o buque fuxían
sin ouír seus amargos lamentos;
solo os ventos
repetían:,
"quen pudera convosco voar!"

Noites craras de aromas e lúa
desde entón que tristeza en vós hai
prós que viron chorar unha nena
prós que viron un barco marchar!

Dun amor celestial verdadeiro
quedou solo de bágoas a proba
unha cova
nun outeiro
i on cadavre no fondo do mar.

Esta selección de cantigas non podía rematar con outra que non fose a cantiga do mestre Curros


Comezou a selección de cantigas populares galegas co himno de Galicia e rematou con catro tan coñecidas e cantadas polos galegos que son (xunto coa Rianxeira) tidas por populares por moitos galegos.


Máis cantigas en galego21


CANTIGAS DE REIS

Os tres reises magos
van para Belén,
quitaron os zocos
para correr ben.
Lupe de Caveira
failles o café,
Esperanza de Macario
peneira de pé.
(bis)
Escoiten señores
o aguinaldo novo
que naceu o neno
metido nun ovo.
Escoiten señores
o aguinaldo vello
que naceu o neno
metido nun cesto.
Déano-lo aguinaldo
anque sexa pouco,
un bo bacallao
e a metade doutro.
De postre castañas
boas e ben grandes,
un molete enteiro
e un queixo de flandes.
(bis) 

Quiquiriquí. Asociación de Gaiteiros Galegos 


Rematamos a escolma cuns cantares de Reis de Pombeiro (Pantón, Lugo) enviados por Laura VS

Nesta casiña faiada,
faiadiña de papel
que por moitos anos vivan
os señores de Manuel
(os señores que están nel)

Nesta casa faiadiña
faiadiña de por dentro,
que por moitos anos vivan
os señores ques están dentro

Non pedimos polo moito
nin pedimos polo pouco,
pedimos un marrao enteiro
e a mitá doutro


2005-2014