@

1. Indicar cal das tres solucións significa o mesmo que a resaltada

1. Por levar esa vida anda á miñoca o Pedro.

• Vive como un rei.
• Non ten para comer.
• Aliméntase de miñocas.

2. Se o vexo, vou ter unhas palabras con el.

• Rifar, botar algo en cara.
• Conversar un anaco.
• Contar unha historia.

3. Agarda, que vou facer de corpo e xa volvo.

• Evacuar a urina.
• Defecar.
• Vomitar, trousar.

4. Paréceme que a ese lla van armar con queixo se non se move.

• Atraelo a engano con algo apetecíbel.
• Darlle un golpe no queixo.
• Collelo durmido.

5. Hoxe o André está que non lle colle un grao de millo no cu.

• Como un meniño con zapatos novos.
• Moi ben sentado e acomodado.
• Moi duro de ventre.

6. A D. Afonso, desta vez saíulle a burra capada.

• Estaba xogando á baralla e saíulle o cabalo de bastos.
• Resulta que a súa burra non pode ter burriños.
• Saíulle mal un negocio e perdeu cartos.

7. Cando escoitei iso, dixen coa miña lingua pequena: vai haber barullo.

• Dicir con voz insegura e tímida.
• Dicir en voz baixa, en segredo.
• Dicir para si, pensar.

8. Sabedes o que me contestou? Pois: xa se meteu o demo a predicador.

• Es moi gracioso predicando.
• Estás a dar consellos, ti que es o menos indicado.
• Iso parece cousa do demo.

9. Parece que o seu avogado está decidido a tirar da manta.

• Refrescar o corpo.
• Ver de que cor son as sabas.
• Descubrir a verdade caia quen caia.

10. Que fai? Pois, ultimamente, anda aos grilos.

• Ocúpase en cousas sen utilidade, vas.
• Caza grilos e véndeos a unha fábrica de conservas.
• Anda coa cabeza nas nubes.

11. Amigo, penso que con eses métodos vas mallar en ferro frío.

• Facer moita forza.
• Cansarte moito.
• Perder o tempo.

12. Non hai que lle facer, é un Xan debaixo da cama.

• Non fai máis que durmir.
• É unha persoa sen vontade, sen valor.
• Todo o fai ao revés.

13. A Andrea pretende meterme os dedos polos ollos.

• Apagar a luz.
• Que crea o contrario do que está claro.
• Darme unha labazada.

14. Se fallas, vaiche caer o pelo.

• Romper a cabeza.
• Recibir o xusto castigo.
• Ficar case calvo.

15. Sempre anda a lavarlle a cara a D. Rosendo.

• Adulándoo, loándoo.
• Resolvéndolle os problemas nos que se mete.
• Facéndolle a limpeza persoal.

16. O mellor vai ser dar sebo aos pés.

• Saír de vagar e en silencio.
• Gobernar os pés para que non manque o zapato.
• Fuxir canto antes e lixeiro.

17. Esquece ese asunto, que sería botarlle aceite ao lume.

• Aumentar o interese.
• Irritar os ánimos.
• Avivar a labarada e o fume.

18. Púxose coma un pito ao saír da escola.

• Entroulle unha alegría tola.
• Enfadouse moito.
• Mollouse todo.

19. A ese vanlle calcar as costelas un día destes.

• Mallarlle o lombo.
• Operalo da columna vertebral.
• Empurralo forte e sen consideración.

20. Veña, que xa me comeza a ladrar o estómago.

• Ter fame.
• Ter a dixestión pesada.
• Impacientarse.

21. Parece mentira, déitase coas galiñas e anda cheo de sono.

• Déitase no poleiro.
• Dorme coa cabeza moi alta.
• Déitase moi cedo.

22. Vaia, xa botaches a lingua a pacer!

• Botaches a lingua fóra en sinal de burla.
• Dixeches unha barbaridade.
• Puxécheste a comer.

23. Se queres conseguir algo del, has de lle untar o carro.

• Atraelo á túa causa con regalos.
• Arranxarlle o eixo da carreta.
• Darlle unha malleira.

24. Pronto me decatei de que María lle enchía o ollo a Martiño.

• Gustáballe, caíalle ben.
• Facíao chorar.
• Facíao rir ás gargalladas.

25. Meu avó estaba sempre coas esporas postas mentres viviu alí.

• Traía as botas de coiro do inverno.
• Estaba de moi mal xenio.
• Estaba listo para marchar, para saír.

2. Cada locución da primeira columna corresponde á explicación da segunda. Ordenalas

3. Indicar o significado das locucións

1. Pór toda a carne no espeto.
2. Sangrar como un carneiro.
3. Ver o ceo aberto.
4. Levar o corazón na man.
5. Deixar co mel nos beizos.
6. Ter bo dente.
7. Entrar de gorra nun sitio.
8. Ir cos da feira e volver cos do mercado.
9. Saír coas orellas gachas.
10. Marchar co rabo entre as pernas.
11. Vivir de moca.
12. Andar coa area no zoco.
13. Cacarexar e non pór o ovo.
14. Andar con pés de la.
15. Estar en estado interesante.
16. Facerlle as beiras a alguén.
17. Facerlle a figa a alguén.
18. Estar como peixe na auga.
19. Ser agudo como un allo.
20. A procesión vai por dentro.

4. Indicar o significado da locución remarcada

1. Naquel sitio o sol aburaba as pedras.
2. Iso é como coller auga nun cesto.
3. Xa podes ir botando a barba a remollo.
4. Un sol deses que fai abrandar as pedras.
5. Desde a guerra non ergueu cabeza.
6. A ese hai que lle acusar as corenta calquera día.
7. Déixao, que hoxe non está para festas.
8. Sempre se foi gobernando co que lle daban os tíos e agora dá xenio velo.
9. Cando viu que o caixeiro estarricou a pata, tragouno a terra.
10. Mentres ti miras polas ovellas, eu vou mollar a palleta á casa.
11. Antes estaban como o can e o gato, agora téñense lei unha á outra.
12. Primeiro déronche gato por lebre e agora déixante na estacada.
13. Ese libro é todo palla aínda que o profesor o puxo polas nubes.
14. Dáme o corpo que ese libro é mais vello que andar a pé.
15. Deixa pasar uns anos e verás como todo se vai en fume, e acaba morrendo como un can.
16. Como non cambie de actitude, vai levar cachote.
17. Curar, curaches; mais quedaches feito unha espiña.
18. Outra vaca no millo! Mellor che sería estares calado.
19. Iso é un farrapo de gaita, non interesa.
20. Vai andando se queres, mais haiche a carreiriña dun can.

    Solución

5.-Completar os seguintes proverbios coa palabra correspondente da columna dereita

6.- Adiviñas

Que é unha cousiña cousa que está se hai sol e, se non hai sol non está?

Verde por fóra e rubia por dentro, e moitas negriñas no doce centro

Unha vella cun só dente, chama a toda a súa xente.

Teño catro pés e non son animal; bríllanme os ollos na noite e sen beber non podo andar

Que cousiña será para adiviñar, que ten orellas coma o gato, pés coma o cato, rabo coma o gato, ollos coma o gato e gato non é?

Ten lombo e non anda, follas ten e non é planta, sabe moito e nada fala

Ten barbas e home non é, ten dentes e non pode comer

Son moi fermoso por diante e moi feo por detrás; cambio a cada instante e arremedo aos demais

Que cousiña é que se pon na mesa, córtase, repártese e non se come?

Unha saba branca, sen algodón, que cobre o mundo e o río non

Que cousiña é que nunca se pode tocar coa man esquerda?

Por un carreiriño moi mal empedrado, ando e non me mollo e sempre vou mollado

Que cousiña será que por moito que lle dea o sol nunca enxoita a verás.

Que será unha cousiña cousa que pasa polo río e non se molla e pasa polo lume e non se queima?

Longo como un camiño, torto coma un fouciño e corre coma un canciño

Do tamaño dunha cazola e ten ás e non voa

De que hai que encher un pucheiro para que pese menos que baleiro?

Cen e cen fillos ten e todos a leite os mantén

Que cousiña é que canto máis lle poñen máis pequena é e canto máis lle sacan, máis grande é

Anda e non ten pés, come e non ten boca, canta comida lle dan toda lle parece pouca

A miña amiga e mais eu andamos a un compás, coas pernas para adiante e os pés para atrás.

En débeda con: ¿Que cousa é cousa?..., Paco Martín, Ed. Galaxia.