FRASEOLOXÍA SOBRE OS GATOS
Cando os gatos lavan a cara, sinal de visita na casa: cando se lamben moito é que vai vir unha visita
O gato saca as uñas cando as ha mester: hai que saber defenderse cando cómpre
Mal lle vai aos gatos cando andan aos gorrións: se teñen que cazar paxaros é porque pasan fame
Máis come o gato dunha vez ca o rato nun mes: o gato come moito, o rato pouco
Con fillos, o gato ben caza o rato: cando ten bocas que alimentar caza mellor
Buscarlle tres pés ao gato / buscarlle cinco pés ao gato: procurar dificultades onde non as hai
Levarse coma o can e o gato: levarse mal, non se entender
Ser catro gatos: ser moi poucos
Dar gato por lebre: facer pasar por bo algo que é moito peor (como poñer carne de gato dicindo que é de lebre)
Que animal ten bo olfacto, cazador dentro da casa curruncho a curruncho repasa e lambe se pesca o prato (adiviña: o gato)
Que cousiña será que ten ollos coma o gato, bigotes coma o gato, orellas coma o gato e gato non é (adiviña: a gata)