Exercicio 7. Pronome persoal: uso de llo/llelo
1. Sempre deu regalos aos feiticeiros.
Sempre llelos deu.
2. Hoxe vendín o porco a uns tratantes.
Hoxe vendínllelo.
3. Teño que pór un ferrollo á porta.
Téñollo que pór ou teño que llo pór ou que pórllo.
4. Merquei unhas morcillas á tendeira.
Merqueillas.
5. Regalei a gravata a meus irmáns.
Regaléillela.
6. Escondinlles as bonecas nun recanto.
Escondínllelas nun recanto.
7. Cando lle teceu eses panos preciosos?
Cando llos teceu?
8. Deches a comida ás tartarugas?
Déchesllela?
9. Como ensinaches os sinais de tránsito ao teu fillo pequeno?
Como llos ensinaches?
10. Sinalei as tarefas aos alumnos.
Sinaléillelas.
11. Pon o funil á botella!
Ponllo!
12. Pedín lentellas ao camareiro.
Pedinllas.
13. Puxo unha flor na lapela ao Pepe.
Púxolla na lapela.
14. Despois tirou os estadullos ao carro.
Despois tiroullos.
15. Rubén colocou o roncón á gaita.
Rubén colocoullo.
16. Pon sal aos pementos de Padrón, eses que uns pican e outros non.
Pónllelo a eses que uns pican e outros non.
17. A doutora recomendoulle ao meu curmán unha dieta moi xeitosa.
A doutora recomendoulla.
18. Aínda non lle empezaron as obras ao Gumersindo na ribeira.
Aínda non llas empezaron.
19. Na rapa das bestas cóllenlles o rabo aos cabalos.
Na rapa das bestas cóllenllelo.
20. Saqueille os cartos da man cando o vin.
Saqueillos da man cando o vin.