Galego	NAI	PAI	FILLA	FILLO
	Cadela	Can	Cadeliña	Cadeliño

	Idioma	NAI	PAI	CRÍA
	Español	Perra	Perro, can	Perrito
	Portugués	Cão	Cadela, cachorra	Cãozito
	Francés	La chienne	Le chien	Le chiot
	Inglés	She dog	Dog	Puppy

O can o mellor amigo dos humanos, que rapaz/a non quere ter un can? A vida media dun can en liberdade pode ser duns 12 anos, comparado coa xente, un ano-can sería como sete-anos persoa. Había un dito para explicar a vida dos cans: tres anos de can novo, tres anos de bo can, tres anos de can vello, tres anos de mal can.

Aos cans, ás galias e ás raposas gústanlle moitos as uvas.

Os cans teñen un oído excelente, moito mellor có noso, e poden determinar exactamente de onde procede o ruído. De aí a sorpresa de moitos cativos cando se decatan de que o seu can pode escoitar e recoñecer desde lonxe o ruído do coche da casa onde veñen os amos. Pero sobre todo destaca nos cans o seu sentido especial, o olfacto. Por iso se usan cans na caza pero tamén no salvamento de persoas, na detección de drogas e en tantas cousas nas que non hai máquina que supere a un can. Pola contra case non saben diferenciar os alimentos salgados.

Son moitas as razas de cans, en Galicia destaca o can de palleiro. Leva ese nome porque habitualmente durmía xunto ao palleiro na eira aproveitando a calor da palla. A súa función máis común era axudar co gando e ladrar cando se achegaban estraños.

Os cans e cadelas sempre teñen nome. Trosqui, Nei, León, Rabelo, Negro, Lume, Lúa, Xesta, Linda son nomes que se poñían habitualmente.

Na sociedade urbana actual a maioría dos cans son de compañía, axudan a levar unha mellor vida aos donos.

Os cans son protagonistas de moitas cousas de Castelao