LIED OHNE WÖRTE (Manuel Antonio, De catro a catro) Expresión alemá que significa canción sen palabras. Tamén é o título dunha composición para piano
12º poema do libro. Despois das intencións, o barco, a travesía, a contemplación, a soidade, o afogado, a garda, o peirao, o bar, a balada, o cartafol do vento, vén agora a canción sen palabras.
...Aboia un esbardar de marusías flota un exceso de; marusía: mar bravo, axitado ou cheiro a mar
tentando os ceos sen atopar a Lúa ambiente nocturno, mar revolto na noite. Comunicación entre o espazo celeste e o mariño
...Pero a Lúa esta noite tampouco hai luar. Lúa animada, desertora
desertou dos almanaques almanaque: o tempo
...Murcha entre dúas follas como aquelas follas secas que se poñían nos libros e diarios e ían quedando amarelas
...............-violetas pensamentos- violeta; flores, sentimentos
do manual póstumo do libro; póstumo: publicado despois da morte
...............-outono madrigais- madrigal: breve poema lírico de tema amoroso
que versifiquei eu dos meus poemas
murcha, violetas, outono (tempo) + pensamentos, madrigais (sentimentos)
...Mansas vagas unánimes vagas: grandes ondas
reorganízanse detrás do vento o mar embravecido. As ondas cobran vida: son mansas e organízanse, son unánimes
...Cando pase a rafada derradeira a última ventada
diranos adeus outra vez a despedida, o adeus das velas
co pano branco do gaff-tope gaff-tope: pequena vela triangular que se pendura ao lado das gavias e sobre as enxarcias
...Alude a un fracaso outra vez o fracaso, o naufraxio ao que alude a rafada
de follas amarelas gastadas polo tempo (as follas da primeira estrofa?)
...e renóvase o sorriso dos mastros mastro
...sempre coas ponlas novas e xoviais a vida repítese en outros; os mastros renóvanse en moitas velas ou ponlas xoviais; é coma se as follas da árbore das velas se risen das follas amarelas
...Noiva miña versos case modernistas polo sentimento
..................vestida de lúa identificación noiva-lúa
...que romantizas imaxe creacionista: unha nova realidade
........................tan cursi! exclamación irónica que rompe co ton descritivodo resto distanciando e afastando o sentimentalismo (Claudio Rodriguez Fer)
....................................polo xardín o tópico literario sentimental: o luar no xardín e os namorados
A disposición gráfica semella unha prolongación do movemento
Estes versos foron retomados por Álvaro Cunqueiro, Méndez Ferrín e María Xosé Queizán
...Senteime a proa proa parte dianteira do barco
fumando a miña pipa a pipa nos mariñeiros asociada ao tempo de lecer
...Pero outra noite pensarei en ti. o sentimento
Unha noite sen lúa. Mestura de tempos (presente, pasado, futuro). Hai un algo de impulso vital: mastro, proa. Imaxes xustapostas.
Claudio Rodríguez Fer opina que se trata dunha metáfora múltiple, de lecturas diferentes:
-biográfica: problemas nunha travesía marítima
-existencial: desesperanza nunha noite sen luz
-estética: procura dunha nova expresión
-amorosa: lembranza lonxana da amada
Poema cantado por Maite Dono e Emilio Cao
Trazos da poética máis tradicional: |
Trazos máis vangardistas: |
Anxo González Guerra e Vitoria Ogando Valcárcel
Véxase agora o poema de Manuel Antonio na súa versión orixinal:
LIED OHNE WÖRTE ...Aboya un esbardar de marusías ...Mansas vagas unánimes ...Noiva miña |
Todos os poemas están perfectamente explicados por Manuel Castelao en Manoel-Antonio De catro a catro, Laiovento, 2010